قاراشا ايىنىڭ 16-سى كۇنى ەلوردادا ەلباسى ن. نازارباەۆتىڭ قاتىسۋىمەن "جاس وتان" جاستار قاناتىنىڭ ەكىنشى سەزى ءوتتى. جيىنعا ەلىمىزدىڭ تۇكپىر-تۇكپىرىنەن 9000-عا جۋىق جاس ورەن قاتىستى. ەلباسى الدىندا ءسوز الىپ، ءوزىنىڭ جاستىق رۋحىن، پاتريوتتىعىن پاش ەتكەن جاسوتاندىقتاردىڭ ءبىرى سەمەي قالاسىنان سايلانعان دەلەگات ەركەبۇلان بالتابەكوۆ. ول قازاقستان پرەزيدەنتىنىڭ يادرولىق قارۋسىز الەم قۇرۋ باستاماسى بۇگىندە الەم نازارىن اۋدارىپ وتىرعانىن تىلگە تيەك ەتتى.  

قاراشا ايىنىڭ 16-سى كۇنى ەلوردادا ەلباسى ن. نازارباەۆتىڭ قاتىسۋىمەن "جاس وتان" جاستار قاناتىنىڭ ەكىنشى سەزى ءوتتى. جيىنعا ەلىمىزدىڭ تۇكپىر-تۇكپىرىنەن 9000-عا جۋىق جاس ورەن قاتىستى. ەلباسى الدىندا ءسوز الىپ، ءوزىنىڭ جاستىق رۋحىن، پاتريوتتىعىن پاش ەتكەن جاسوتاندىقتاردىڭ ءبىرى سەمەي قالاسىنان سايلانعان دەلەگات ەركەبۇلان بالتابەكوۆ. ول قازاقستان پرەزيدەنتىنىڭ يادرولىق قارۋسىز الەم قۇرۋ باستاماسى بۇگىندە الەم نازارىن اۋدارىپ وتىرعانىن تىلگە تيەك ەتتى.  
"مەن تۋعان 1991 جىلى جارتى عاسىرعا جۋىق ۋاقىت بويى سىناق الاڭىنا اينالعان سەمەيدە يادرولىق پوليگون جابىلعان بولاتىن. ماعان جانە بارشا جەرلەستەرىمە ەلباسىمىزدىڭ سول شەشىمى بەيبىت ءومىردىڭ ءتاتتى ءدامىن سەزىنىپ، بولاشاققا زور ۇمىتپەن قاراۋعا مۇمكىندىك بەردى. سوندىقتان دا نۇرسۇلتان ءابىشۇلىنا الەم ءۇشىن ءمانى مەن ماعىناسى زور اسا ماڭىزدى شەشىمى ءۇشىن بارشا سەمەيلىكتەر اتىنان شەكسىز العىسىمدى بىلدىرگىم كەلەدى. جۋىردا استانادا وتكەن حالىقارالىق كونفەرەنتسياعا كەلگەن شەتەل ساياساتكەرلەرى جانە ۆاشينگتون مەن سەۋلدە وتكەن يادروسىز الەم قۇرۋعا ارنالعان فورۋمداردا الەمدىك دەرجاۆالاردىڭ باسشىلارى نۇرسۇلتان ءابىشۇلىنىڭ دەر كەزىندە كوتەرگەن عالامدىق باستاماسىن وتە جوعارى باعالادى. ەلباسىمىزدىڭ يادرولىق قارۋسىز الەم قۇرۋ يدەياسىن شەتەلدىكتەر قانداي جىگەرمەن قارسى العانىن كورگەندە "ال ءبىز وسى باعىتتا قانداي جۇمىس جاساۋدامىز؟" دەگەن سۇراق تۋىندايدى. مەن بارشا قۇرداستارىمدى، قازاقستانداي ىستىق ۇيامىزدىڭ ءوسىپ-وركەندەۋى ءۇشىن ەلباسىمىزدىڭ يگى باستاماسىن بەلسەندى ناسيحاتتاۋعا شاقىرامىن!
ءبىز، قازاقستان جاستارى، ىنتىماعى مەن بىرلىگى جاراسقان ەلىمىزدى ماقتان تۇتامىز!
وسى جولدان تايماي، ەلىمىزدىڭ ەرتەڭى ءۇشىن بار كۇش-جىگەرىمىزدى سالىپ، اعا بۋىننىڭ بىزگە ارتقان ءۇمىتىن اقتاۋعا شاقىرامىن!"
ارمانى اسقاق، پەيىلى كەڭ ەركەبۇلاننىڭ ىزگى ءسوزى كوپكە وي سالارى حاق. بولاشاعىنان ۇلكەن ءۇمىت كۇتتىرەتىن جاستارىمىزعا اق جول.

"اباي-اقپارات"