ەلىمىزدە ءبىر تاۋلىكتە 187 ادام كوروناۆيرۋس ينفەكتسياسىن جۇقتىرعان. ونىڭ ىشىندە 112 ناۋقاس ادام الماتىدا، 37 ادام نۇر-سۇلتاندا، 8 ادام شىمكەنتتە انىقتالعان.

وسىعان بايلانىستى 4 شىلدەدە الماتى قالاسىنىڭ باس مەملەكەتتىك سانيتار دارىگەرى قاسىمحان الپىسبايۇلى جاڭا قاۋلى قابىلدادى. قۇجاتتا COVID-19 ۆاكتسيناتسياسىنا قارسى كورسەتىلىمدەرى بار قىزمەتكەرلەردى جانە جۇكتى ايەلدەردى قاشىقتان جۇمىسقا اۋىستىرۋ ەسكەرتىلگەن.

سونىمەن قاتار COVID-19 جۇقتىرعان ناۋقاستارمەن بايلانىستا بولعان ادامدار مەن ۆاكتسينا سالدىرماعاندار قاشىقتان جۇمىس ىستەۋگە اۋىستىرىلاتىنى ايتىلدى.

قاۋلى 2022 جىلعى 7 شىلدەدە ساعات 00:00 باستاپ قولدانىسقا ەنگىزىلەدى.

Abai.kz