قاراقالپاقستانداعى نارازىلىقتان سوڭ الماتىعا كەلگەن وزبەك پوليتسياسى قىزمەتكەرلەرىنىڭ شۇعىل توبى جەرگىلىكتى بەلسەندىلەرمەن ءبىر اي بويى جۇمىس ىستەيدى.

بۇل تۋرالى تەرگەۋدە بولعان ادامداردىڭ ءبىرى ناستوياششەە ۆرەميا تەلەارناسىنا حابارلادى. تەرگەلگەندەردىڭ ايتۋىنشا، وزبەك كۇش قۇرىلىمدارى قازاقستانداعى قاراقالپاق دياسپوراسىن نارازىلىقتى ۇيىمداستىرعان بولۋى مۇمكىن دەپ ەسەپتەيدى.

تەلەارناعا سۇحبات بەرۋگە كەلىسكەن ازاماتتىق بەلسەندى اللاياردىڭ الماتىدا تۇرىپ جاتقانىنا ءبىراز ۋاقىت بولدى، بىراق ول وتانىمەن بايلانىستى ۇزبەگەن. 4 شىلدەدە ونى الماتى پوليتسيا دەپارتامەنتىنە تەرگەۋگە شاقىرتۋ الدى. تەرگەۋ جۇرگەن بولمەدە قاراپايىم كيىنگەن بىرنەشە ادام بولدى، دەيدى تەرگەلگەندەردىڭ ءبىرى.

اللاياردىڭ ايتۋىنشا، وزبەك پوليتسياسىنىڭ وكىلدەرى ودان بەلسەندى ارەكەتتەرىن دوعارۋدى تالاپ ەتكەن، ايتپەسە ولاردى وزبەكستانعا الىپ كەتەمىز دەپ قورقىتقان.

وزبەكستان بيلىگى قاراقالپاقستانداعى نارازىلىقتى شەتەلدىكتەر ۇيىمداستىرعان دەپ ەسەپتەيدى. ولاردىڭ دەنى قازاقستاندا تۇرادى. بۇعان سەنۋگە بولمايدى، ويتكەنى وپپوزيتسيالىق ساياساتكەرلەردىڭ كوبى ەۋروپادا تۇرادى. قازاقستاندا مۇنداي راديكال كوزقاراستاعى بەلسەندى جوق", - دەيدى اللايار.

بەلسەندىنىڭ ايتۋىنشا، وزبەكستان ميليتسياسىنىڭ قىزمەتكەرلەرى قازاقستان بيلىگىنەن كارت-بلانش الدى: ولار ءوز ازاماتتارىن تەرگەپ ءجۇر، ولاردى وتانىنا الىپ كەتۋى مۇمكىن.

قاراقالپاق بەلسەندى ازاماتتار اۆتونومياداعى تۋىستارى مەن جاقىندارىمەن سويلەسە الماي وتىر. رەسپۋبليكاعا ينتەرنەت ءالى بەرىلگەن جوق.

Abai.kz