باس پروكۋراتۋرا ءىرى كولەمدە، ونىڭ ىشىندە شەتەلدە اقشانى جىلىستاتۋ بەلگىلەرى بار اتىشۋلى ىستەردى تەرگەۋدى ەرەكشە باقىلاۋعا الدى. بۇل «روپ» جشس وپەراتورىنىڭ باسشىلارى قايرات ساتىبالدىۇلىنا، گۇلميرا ساتىبالدىعا، قايرات بورانباەۆقا قاتىستى ىستەر.

تەرگەۋ ورگاندارى قابىلداعان شارالارمەن، ونىڭ ىشىندە شەتەلدىك يۋريسديكتسيالاردان قايتارۋ ارقىلى بۇگىنگى تاڭدا 230 ميلليارد تەڭگەگە جۋىق شىعىن وتەلدى، دەيدى قازاقستاننىڭ باس پروكۋراتۋراسى.

مىسالى، سىبايلاس جەمقورلىققا قارسى قىزمەت تەرگەپ جاتقان ءىس بويىنشا ايىپتالۋشىلار ليۋكسەمبۋرگتەن 170 ميلليون دوللاردان استام قاراجاتتى ءوز ەركىمەن قايتارعان.

«قازاقتەلەكوم» اق، «كولىككە قىزمەت كورسەتۋ ورتالىعى» اق مۇلكىن ۇرلاۋ ىستەرى بويىنشا تەرگەۋ ورگانى 36 ملرد تەڭگەگە جۋىق شىعىندى وتەپ بەردى. بورانباەۆقا قاتىستى ءىستى تەرگەۋ بارىسىندا قارجى مونيتورينگى اگەنتتىگى «قازمۇنايگاز» اق 11,3 ملرد تەڭگەگە جۋىق شىعىندى وتەپ بەردى.

Abai.kz