سىبايلاس جەمقورلىققا قارسى قىزمەت ۇلتتىق مۋزەي باسشىلىعىنىڭ اسا ءىرى كولەمدە بيۋدجەت قاراجاتىن جىمقىرۋعا قاتىستى جاڭا مالىمەتتەرىن انىقتادى.

2017-2018 جىلدارى «اقپاراتتىق رەسۋرستاردا وبەكتىلەردى تانىمال ەتۋ بويىنشا ۇلتتىق تىزبەگە ەنگىزىلگەن وبەكتىلەردىڭ 3D مودەلىن جاساۋ» جوباسىن جۇزەگە اسىرۋ بارىسىندا 1,2 ملرد تەڭگەنىڭ ۇرلىعىنا جول بەرىلگەنى بەلگىلى بولدى.

«اتقارىلعان جۇمىستار ءۇشىن 1,3 ميلليارد تەڭگە بولىنگەن. الايدا جۇرگىزىلگەن ساراپتامالىق زەرتتەۋ جۇمىستارى جوباعا ناقتى 83,4 ميلليون تەڭگە كەتكەنىن انىقتادى. وسىلايشا، جۇمىس قۇنى 1,2 ملرد تەڭگەگە نەگىزسىز ۇلعايتىلعان. بۇل مەملەكەتكە اسا ءىرى كولەمدە زالال كەلتىرۋ»، – دەپ حابارلادى سىبايلاس جەمقورلىققا قارسى ءىس-قيمىل اگەنتتىگى.

اگەنتتىك تەرگەۋدىڭ جالعاسىپ جاتقانىن جانە تەرگەۋ مۇددەسىندەگى باسقا اقپاراتتاردىڭ جاريا ەتىلمەيتىنىن ايتتى.

ۇستىمىزدەگى جىلدىڭ 28 مامىرىندا ۇلتتىق مۋزەي ديرەكتورى ارىستانبەك مۇحامەديۇلى ەكى ايعا قاماۋعا الىندى. 29 مامىردا مۇحامەديۇلىنىڭ ءباسپاسوز حاتشىسى جۋرناليستەردىڭ ساۋالىنا باستىعىنىڭ قاماۋعا الىنعانى تۋرالى اقپاراتىن جوققا شىعاردى، بىراق رەسمي دەرەككە سايكەس ول ەكى ايعا قاماۋعا الىندى.

Abai.kz