1 تامىزدا يادرولىق قارۋدى تاراتپاۋ جونىندە كەلىسىمگە كەلگەن مەملەكەتتەر نيۋ-يوركتە X كونفەرەنتسيادا باس قوسقان. وندا ءسوز سويلەگەن بۇۇ باس حاتشىسى انتونيۋ گۋتەرريش "يادرولىق قاۋىپ قىرعي قاباق سوعىسىنان بەرى" بولماپ ەدى دەدى.

اقش پرەزيدەنتى دجو بايدەن بولسا رەسەي مەن قىتايدى يادرولىق قارۋعا شەكتەۋ قوياتىنىن اشىق مالىمدەۋى ءتيىس دەدى.

كونفەرەنتسيادا ونلاين ءسوز العان رەسەي پرەزيدەنتى ۆلاديمير پۋتين كرەمل يادرولىق كەلىسىم شارتتارىن ورىندايتىنىن، يادرولىق سوعىستا جەڭىس بولمايتىنىن جەتكىزدى.

ۋكرايناعا سوعىس اشقاننان كەيىن پۋتين يادرولىق قارۋدى قولدانۋى مۇمكىن ەكەنىن مەڭزەگەن.

كونفەرەنتسيا بەس جىلدا ءبىر رەت ءوتىپ تۇرادى. ونىنشى كەزدەسۋ 2020 جىلدىڭ مامىر ايىندا ءوتۋى ءتيىس بولعان. بىراق كوروناۆيرۋس پاندەمياسىنا بايلانىستى كەيىنگە شەگەرىلگەن.

"يادرولىق قارۋدى تاراتپاۋ جونىندەگى" كەلىسىمگە 1968 جىلى قول قويىلعان. بۇل اقش، بريتانيا، قىتاي، رەسەي جانە فرانتسيانىڭ يادرولىق ارسەنالىن زاڭداستىردى. قازىر بۇل كەلىسىمگە 190 ەل قول قويعان. يزرايل، ءۇندىستان جانە پاكىستان بۇل كەلىسىمگە كىرمەيدى. 2003 جىلدىڭ قاڭتار ايىندا سولتۇستىك كورەيا كەلىسىمنەن شىققان.

Abai.kz