ەلىمىزدە قازىرگى كۇنى 50 مەن 60 جاس ارالىعىنداعى جۇمىس ىستەيتىن ايەلدەر سانى – 641 941 ادام، دەپ حابارلايدى Abai.kz سايتى halyq-uni-نە سىلتەمە جاساپ.

ەڭبەك رەسۋرستارىن دامىتۋ ورتالىعىنىڭ دەرەگىنشە، ايەلدەردىڭ كوبىسى ءبىلىم، دەنساۋلىق ساقتاۋ جانە الەۋمەتتىك قىزمەت تۇرلەرى، مەملەكەتتىك باسقارۋ جانە قورعانىس، مىندەتتى الەۋمەتتىك قامسىزداندىرۋ، كوتەرمە جانە بولشەكتەپ ساتۋ، اۆتوموبيل مەن موتوتسيكل جوندەۋ سالالارىندا قىزمەت اتقارادى.

سۋمەن جابدىقتاۋ، ءدالىز جۇيەسى سياقتى كوممۋنالدىق قىزمەتتەردە – 5 325 ادام،  قارجى جانە ساقتاندىرۋ سالاسىندا – 6 122 ادام، اقپارات پەن بايلانىس سالاسىندا – 7 121 ادام، قۇرىلىستا – 9 727 ادام، تاۋ-كەن جانە كارەرلەردى ازىرلەۋ سالالارىندا – 8 655 ادام جۇمىس ىستەيدى.

بىراق زەينەت جاسىنان اسقان ايەل قىزمەتكەرلەر بويىنشا بولەك ستاتيستيكا جۇرگىزىلمەيدى ەكەن.

بيىلعى 1 شىلدەدەگى جاعداي بويىنشا، بجزق-دا 50-60 جاس ارالىعىنداعى ايەلدەردىڭ اتىنا اشىلعان 1 ملن 158 مىڭ جەكە زەينەتاقى شوتى بار. ولاردىڭ جالپى كولەمى 1,9 ترلن تەڭگە.

ونىڭ ىشىندە، 606 مىڭىندا جيناعى 1 ملن تەڭگەگە تەڭگەگە جەتپەيدى. ال 305 مىڭىنىڭ جيناعى 1-3 ملن تەڭگە ارالىعىندا. ودان كوبىرەك، 3-5 ملن تەڭگە ارالىعىندا جيناپ قويعاندارىنىڭ سانى 169 مىڭ بولسا، 5-8 ملن تەڭگە ارالىعىندا جيناپ ۇلگەرگەندەرى 71 مىڭ ادام. جانە ءبىر 7 مىڭىنىڭ ارقايسىنىڭ جيناعى 8 ملن تەڭگەدەن اسادى. ەڭ كوپ جيناعانى – 139,3 ملن تەڭگە ەكەن.

ايتا كەتەيىك، بىرجولعى زەينەتاقى تولەمىن الۋدىڭ شەكتى مولشەرى بيىل ءساۋىر ايىنان باستاپ وزگەردى. وندا 50 جاستاعى ادامنىڭ جيناعىندا ەڭ كەمى 7 430 000 تەڭگە بولۋى كەرەك. ال 59 جانە ودان جوعارى جاستاعىلاردىڭ جيناعىندا جوق دەگەندە 9 120 000 تەڭگەدەن بولۋى ءتيىس.

مينيسترلىك اۋىر ەڭبەك جاعدايىندا جۇمىس ىستەيتىندەر تۋرالى دا مالىمەت بەردى. الايدا وندا دا ايەلدەر بويىنشا بولەك ستاتيستيكا جوق.

بىلتىر زەرتتەلگەن كاسىپورىنداردىڭ 1,6 ملن جۇمىسشىسىنىڭ ىشىنەن 375 مىڭى نەمەسە ءاربىر ءتورتىنشىسى (28,8%) زياندى جانە قاۋىپتى ەڭبەك جاعدايىندا جۇمىس اتقارعان. الدىڭعى جىلمەن سالىستىرعاندا جۇمىسشىلار سانىندا وزگەرىس جوق، الايدا زياندى جانە قاۋىپتى جۇمىس ىستەيتىندەردىڭ سانى 8 مىڭ ادامعا ارتىپتى.

جۇمىس اۋىرتپالىعىنا قاراي جىكتەپ قاراساق، ءاربىر ەكىنشى (45,2%) جۇمىسشى قاتتى شۋ مەن ۆيبراتسيا جاعدايىندا، ءاربىر ءۇشىنشى (32,1%) ادام قاتتى گاز بەن كوك شاڭ ورتاسىندا جۇمىس ىستەگەن. ال اۋىر فيزيكالىق ەڭبەكپەن 93 مىڭ ادام شۇعىلدانعان (5,7%).

Abai.kz