بەيسەنبى, 18 تامىز 2022
ەل ءىشى... 1546 2 پىكىر 4 تامىز, 2022 ساعات 12:57

قوستانايدا قازاق ءانى ەستىلدى

كەيىنگى كەزدەرى قوستانايدا كوشە انشىلەرى قاپتاپ كەتتى. ولار شاھاردىڭ ورتاسىنان ويىپ تۇرىپ ورىن الادى دا، اپپاراتىن قوندىرىپ، قولىنا ميكروفونىن الىپ، نەشە ءتۇرلى جانردا اۋلەتە جونەلەدى. الدارىنداعى قاعاز قوراپقا ءبىرشاما اقشا جينالىپ قالادى. وعان وزدەرى دە ءماز، حالىقتا تا ريزا. تەك ءبىر جامان جەرى، ولاردىڭ ءبارى تەك ءبىر تىلدە عانا، كورشىمىزدىڭ وزدەرى "ۇلى" دەپ سانايتىن ورىس تىلىندە عانا دامىلسىز شىرقالىپ جاتادى. ءتىپتى بۇعان ءبىزدىڭ دە قۇلاعىمىز ۇيرەنىپ، ەرىكسىز تىڭداپ كەتە بەرەتىنبىز.

ال بۇگىن ءبىر عاجايىپتى كورىپ، ءوز قۇلاعىما ءوزىم سەنبەدىم. قالىڭ ورىسى قاپتاعان قالامىزدىڭ قاق ورتاسىندا جاندى داۋىسپەن شىرقالعان قازاعىمنىڭ عاجايىپ سازىن ءوز قۇلاعىممەن ەستىپ، بىرازعا دەيىن سەنبەي تۇردىم. سويتسەم ساياباقتىڭ جانىندا، وسىنداعى مادەنيەت باسقارماسى عيماراتىنىڭ جانىندا قازاقتىڭ ءاپ-ادەمى جىگىتى قازاقتىڭ سازدى اۋەندەرىن قۇيقۇلجىتىپ تۇر. قۋانىشىم قوينىما سىيمادى. بەينە ءبىر رەسەيدەن ەلگە ورالىپ، ەلىمنىڭ اندەرىمەن قايتا تانىسقانداي بولدىم. سوسىن جانىنا بارىپ تانىستىم. اتى اسقار، الماتى وبلىسىنىڭ تۋماسى. قوستانايمەن تانىسۋعا كەلىپتى. "تابىس قالاي؟" دەسەم، "جەتەدى عوي" دەپ بيازى كۇلىمسىرەيدى. ءاي، قايدام، قوستانايدىڭ ورىس بولىپ كەتكەن قازاعىنان قانداي مىرزالىق كۇتەرسىڭ؟ مۇنى وسى جەردە وتىرعان ءبىر-ەكى كىسى مەن بىرەر كەلىنشەكتەن دە كورۋگە بولادى. مەن سولاردىڭ ءبىر-ەكەۋىنەن: "مىنا جىگىتتەرگە بىردەڭە بەردىڭدەر مە؟" دەسەم، ء"بىز مۇندايلاردى تەلەديدار مەن راديودان ەستىپ ءجۇرمىز عوي", - دەپ قاراپ وتىر. ەندى بۇعان نە دەرسىڭ؟

ال مەن بولسام، قالتامداعى 500 تەڭگەنى قورجىنىنا سالدىم دا، اسقارعا ونەردە تابىس تىلەپ كەتە باردىم. مۇمكىن، ساراڭدىق تانىتقان دا شىعارمىن؟

جايبەرگەن بولاتوۆ

Abai.kz

2 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2776
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2134
ادەبيەت

ءتۇس

ەرعالي باقاش 1799
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2895