ماسكەۋ وبلىسىنداعى حيمكي قالاسىنىڭ سوتى امەريكالىق باسكەتبولشى بريتتني گراينەردى توعىز جىلعا سوتتادى. سوت اتلەتتى ەسىرتكى تاسىدى دەپ تانىدى.

گراينەر بيىل اقپان ايىندا ماسكەۋدەگى شەرەمەتەۆو اۋەجايىندا ۇستالدى. ونىڭ سومكەسىنەن ۆەيپكە ارنالعان ناشا مايى تابىلعان. بۇل زاتقا رەسەيدە تىيىم سالىنعان، بىراق اقش-تىڭ بىرقاتار شتاتىندا رۇقسات ەتىلگەن.

گراينەر ەكاتەرينبۋرگتەگى ۋگمك باسكەتبول كلۋبى ساپىندا ويناعان. ول اقش قۇراماسى ساپىندا ەكى مارتە وليمپيادا چەمپيونى اتانعان. اقش مامىر ايىندا گراينەردى "زاڭسىز ۇستالدى" دەپ تانىپ، ونىڭ ءىسىن پرەزيدەنتتىڭ كەپىلگە الىنعاندار ءىسى جونىندەگى ارنايى ەلشىسىنە جولدادى.

رەسەي مەن اقش گراينەر مەن رەسەيدە سوتتالعان تاعى ءبىر امەريكالىق پول ۋيلاندى قۇراما شتاتتاردا قاماۋدا وتىرعان رەسەيلىكتەرگە ايىرباستاۋدى تالقىلاپ ءجۇر. ۆاشينگتون ولاردى كولۋمبيالىق بۇلىكشىلەرگە قارۋ ساتۋعا ارەكەتتەنگەنى ءۇشىن 25 جىلعا سوتتالعان رەسەيلىك ۆيكتور بۋتقا ايىرباستاۋدى ۇسىنعان.

Bloomberg اگەنتتىگىنىڭ حابارلاۋىنشا، ماسكەۋ گراينەردى عانا بۋتقا نەمەسە ەكى ادامدى ەكى ادامعا ايىرباستاعىسى كەلەدى.

Abai.kz