ۋكراينا رەسەي ازاماتتارىنىڭ ەلگە كىرۋىنە 50 جىلعا تىيىم سالماق. بۇل تۋرالى پەتيتسيا ۋكراينا پرەزيدەنتىنىڭ رەسمي سايتىندا مامىر ايىندا جاريالانعان.

بۇگىندە پەتيتسيا 25 مىڭنان استام داۋىس جيناپ، پرەزيدەنتتىڭ قاراۋىنا جىبەرىلدى. ۆلاديمير زەلەنسكي 16 كۇننىڭ ىشىندە ءوتىنىشتى قاراپ، شەشىم قابىلدايدى.

"قازىر جانە بولاشاقتا ءار ۋكراينالىقتىڭ قاۋىپسىزدىگى ءۇشىن ءبىز بارلىق رەسەيلىكتەردىڭ ۋكرايناعا كىرۋىن كەلەسى 50 جىلعا تولىعىمەن توقتاتۋدى جانە رەسەي-ۋكراينا سوعىسىندا ۋكراينا جاعىندا سوعىسقان ادامداردان باسقا رەسەيلىكتەرگە تۇرۋعا رۇقسات بەرمەۋدى ۇسىنامىز", - دەلىنگەن ۋكراينا پرەزيدەنتىنىڭ كەڭسەسىنىڭ سايتىنداعى پەتيتسيا ماتىنىندە.

1 شىلدەدەن باستاپ ۋكراينا رەسەيگە ۆيزالىق رەجيمدى ەنگىزگەن بولاتىن.

Abai.kz