قىرعىزستان مەن تاجىكستان شەكاراسىنىڭ جابىلعانىنا ءبىر جارىم جىلعا جۋىق ۋاقىت بولدى. بىراق ەكى ەل اراسىنداعى ساۋدا اينالىمى توقتاماعان.

رەسمي مالىمەتكە سايكەس، ەكى ەل اراسىنداعى تاۋار اينالىمى 7 ملن دوللار، بۇل بىلتىرعى جىلمەن سالىستىرعاندا 60 پايىزعا از.

تاجىكستان كەدەن قىزمەتىنىڭ باسشىسى حۋرشەد كاريمزودانىڭ سوزىنشە، تاۋار اينالىمىنىڭ باسىم بولىگى - يمپورت، ول 6,3 ملن دوللاردى قۇرايدى.

"يمپورت نەگىزىنەن قازاقستان مەن وزبەكستان ارقىلى جۇزەگە اسىپ جاتىر. قىرعىزستاننان كوبىندە كومىر تاسيدى", - دەيدى ول.

قازىر قىرعىزستان مەن تاجىكستان اراسىنداعى بەس وتكىزۋ كەدەن بەكەتى جابىق تۇر. بىلتىر كوكتەمدە بولعان شەكاراداعى قاقتىعىستان كەيىن قايتا اشىلعان جوق. قىرعىز تارابى شەكارانى ءبىر جاقتى جاپقان.

Abai.kz