قاسىم-جومارت توقاەۆ قازاقستاندىقتاردى كونستيتۋتسيا كۇنىمەن قۇتتىقتادى.

"قۇرمەتتى وتانداستار! سىزدەردى قازاقستان كونستيتۋتسياسى كۇنىمەن قۇتتىقتايمىن! بيىل بۇل مەيرام ايرىقشا ساياسي مانگە يە بولىپ وتىر. اتا زاڭعا وزگەرىستەر ەنگىزۋ جونىندەگى جالپىۇلتتىق رەفەرەندۋمنىڭ ناتيجەسى حالقىمىزدىڭ بىرلىگىن جانە ەلىمىزدى جان-جاقتى جاڭعىرتۋعا باعىتتالعان اۋقىمدى رەفورمالاردىڭ بارىنشا قولداۋ تاپقانىن كورسەتتى.

ءبىز زاڭ ۇستەمدىگى، ادىلدىك جانە جالپىعا بىردەي مۇمكىندىك قاعيداتتارىن ۇستانىپ، جاڭا قازاقستاندى قۇرۋعا كىرىستىك. ەلىمىزدىڭ ءاربىر جاۋاپتى ازاماتىنىڭ رەفورمالاردى ىسكە اسىرۋعا بەلسەنە قاتىسىپ، مەملەكەتىمىزدىڭ دامۋىنا ۇلەس قوساتىن كەزى كەلدى. كونستيتۋتسيادا بەلگىلەنگەن دەموكراتيا قۇندىلىقتارى، ازاماتتاردىڭ قۇقىقتارى مەن بوستاندىقتارىنىڭ كەپىلدىكتەرى قازاقستان رەسپۋبليكاسى دامۋىنىڭ ناقتى ستراتەگيالىق باعدارىن ايقىندايدى. قولعا الىنىپ جاتقان وزگەرىستەردىڭ باستى مىندەتى – حالىقتىڭ ءال-اۋقاتىن ارتتىرۋ، مەملەكەتتىلىگىمىزدى مەيلىنشە نىعايتۋ جانە قوعامدى ۇيلەسىمدى دامىتۋ.

بۇل مىندەتتەردى ورىنداۋعا ەلىمىزدىڭ ءاربىر ازاماتى اتسالىسۋى قاجەت، قادىرلى وتانداستار! بارشاڭىزعا شىن جۇرەكتەن زور دەنساۋلىق، باق-بەرەكە تىلەيمىن! وتانىمىزدىڭ يگىلىگى جولىنداعى بارلىق ماقساتقا جەتە بەرىڭىزدەر!",- دەدى قاسىم-جومارت توقاەۆ.

Abai.kz