بەيسەنبى, 28 ناۋرىز 2024
جاڭالىقتار 3270 0 پىكىر 24 جەلتوقسان, 2012 ساعات 10:01

قازتاگ اقپارات اگەنتتىگى: 2012 جىلدىڭ نەگىزگى 20 وقيعاسى

قازتاگ: 2012 جىلدىڭ نەگىزگى 20 وقيعاسى

الماتى. 24 جەلتوقسان. قازتاگ - قازتاگ حالىقارالىق اقپاراتتىق اگەنتتىك 2012 جىلدىڭ نەگىزگى 20 وقيعاسىن انىقتادى.

1. كەدەندىك وداق اياسىندا قۇرىلعان ءبىرتۇتاس ەكونوميكالىق كەڭىستىكتىڭ كۇشىنە ەنۋى

1 قاڭتاردان باستاپ قازاقستان، رەسەي جانە بەلارۋس 2010 جىلى قول قويىپ جانە وسى ەلدەر بەكىتكەن ءبىرتۇتاس ەكونوميكالىق كەڭىستىك قۇراتىن قۇجاتتار توپتاماسى زاڭدى كۇشىنە ەندى.

جاقىندا كەدەندىك وداق (كو) پەن ءبىرتۇتاس ەكونوميكالىق كەڭىستىككە قىرعىز رەسپۋبليكاسى مەن تاجىكستان رەسپۋبليكاسى قوسىلادى دەپ كۇتىلۋدە.

جاڭا بىرلەستىكتىڭ قۇرىلعاندىعى تۋرالى دەكلاراتسيادا كو مەن بەك باسقا ەلدەردىڭ قوسىلۋىنا اشىق دەپ كورسەتىلگەن. ينتەگراتسياعا كەلەشەكتە ۆەتنام مەن جاڭا زەلانديا ەركىن ساۋدا اۋماعى مەن كو كەلىسىمىنە قوسىلماقشى نيەتىن تانىتتى.

2. دىنمۇحاممەد احمەدۇلى قوناەۆتىڭ تۋىلعانىنا 100 جىل

12 قاڭتاردا  الماتىدا قازاقستاننىڭ تانىمال ساياسي قايراتكەرى دىنمۇحاممەد قوناەۆتىڭ تۋىلعانىنا 100 جىل تولۋىنا بايلانىستى ونىڭ اتىنداعى مۇراجاي-ءۇي سالتاناتپەن اشىلدى. مۇراجايدىڭ ەرەكشەلىگى - د. قوناەۆ تۇرعان ونىڭ بۇرىنعى ءۇيىنىڭ كەلبەتىن تۋىستارى تولىعىمەن ساقتاعاندىعىندا.

قازتاگ: 2012 جىلدىڭ نەگىزگى 20 وقيعاسى

الماتى. 24 جەلتوقسان. قازتاگ - قازتاگ حالىقارالىق اقپاراتتىق اگەنتتىك 2012 جىلدىڭ نەگىزگى 20 وقيعاسىن انىقتادى.

1. كەدەندىك وداق اياسىندا قۇرىلعان ءبىرتۇتاس ەكونوميكالىق كەڭىستىكتىڭ كۇشىنە ەنۋى

1 قاڭتاردان باستاپ قازاقستان، رەسەي جانە بەلارۋس 2010 جىلى قول قويىپ جانە وسى ەلدەر بەكىتكەن ءبىرتۇتاس ەكونوميكالىق كەڭىستىك قۇراتىن قۇجاتتار توپتاماسى زاڭدى كۇشىنە ەندى.

جاقىندا كەدەندىك وداق (كو) پەن ءبىرتۇتاس ەكونوميكالىق كەڭىستىككە قىرعىز رەسپۋبليكاسى مەن تاجىكستان رەسپۋبليكاسى قوسىلادى دەپ كۇتىلۋدە.

جاڭا بىرلەستىكتىڭ قۇرىلعاندىعى تۋرالى دەكلاراتسيادا كو مەن بەك باسقا ەلدەردىڭ قوسىلۋىنا اشىق دەپ كورسەتىلگەن. ينتەگراتسياعا كەلەشەكتە ۆەتنام مەن جاڭا زەلانديا ەركىن ساۋدا اۋماعى مەن كو كەلىسىمىنە قوسىلماقشى نيەتىن تانىتتى.

2. دىنمۇحاممەد احمەدۇلى قوناەۆتىڭ تۋىلعانىنا 100 جىل

12 قاڭتاردا  الماتىدا قازاقستاننىڭ تانىمال ساياسي قايراتكەرى دىنمۇحاممەد قوناەۆتىڭ تۋىلعانىنا 100 جىل تولۋىنا بايلانىستى ونىڭ اتىنداعى مۇراجاي-ءۇي سالتاناتپەن اشىلدى. مۇراجايدىڭ ەرەكشەلىگى - د. قوناەۆ تۇرعان ونىڭ بۇرىنعى ءۇيىنىڭ كەلبەتىن تۋىستارى تولىعىمەن ساقتاعاندىعىندا.

د. قوناەۆ 1912 جىلى 12 قاڭتاردا ۆەرنىي قالاسىندا (قازىرگى الماتى) تۋىلعان. قازاقستان عىلىم اكادەمياسىن باسقاردى، قازاق سسر مينيسترلەر كەڭەسىنىڭ توراعاسى جانە قازاقستان كوممۋنيستىك پارتياسىنىڭ ءبىرىنشى حاتشىسى بولدى.

د. قوناەۆ 1993 جىلى 22 تامىزدا دۇنيەدەن ءوتتى.

3. پارلامەنت ءماجىلىسى دەپۋتاتتارىنىڭ كەزەكتەن تىس وتكەن سايلاۋى

15 قاڭتاردا رەسپۋبليكادا قازاقستان پارلامەنت ءماجىلىسىنىڭ دەپۋتاتتارىنىڭ سايلاۋى ءوتتى. «نۇر وتان» پارتياسىنىڭ وكىلدەرى 83 دەپۋتاتتىق ماندات، «اق جول» - 8, قحكپ - 7 ماندات الدى. ءماجىلىستىڭ تاعى 9 دەپۋتاتىن قازاقستان حالقى اسسامبلەياسىنان ۇسىندى. جالپىحالىقتىق سوتسيال-دەموكراتيالىق پارتيا (جسدپ), «اۋىل» پارتياسى، «ادىلەت» پارتياسى قاجەت داۋىستاردى جيناي الماي، پارلامەنت ماجىلىسىنە وتە المادى.

سول كۇنى ءماسليحات دەپۋتاتتارىنىڭ سايلاۋى ءوتتى.

4. زەينەتكە شىعۋ جاسىن كوتەرۋ تۋرالى ۇسىنىس

6 ناۋرىزدا ۇلتتىق بانك توراعاسى گريگوري مارچەنكو بىرتىندەپ ەرلەر مەن ايەلدەر اراسىنداعى زەينەتكە شىعۋ جاسىنىڭ تەڭەستىرىلەتىنىن ءمالىم ەتتى. بۇل رەتتە ول ايەلدەردىڭ زەينەتكە شىعۋ جاسىن بىرتىندەپ 63 جاسقا دەيىن كوتەرۋ گەندەرلىك تەڭدىك ماسەلەسى ەكەندىگىنە توقتادى. ونىڭ ايتۋىنشا، ايەلدەردىڭ زەينەتكە 63 جاستا شىعۋىن ەرلەرمەن تەڭەستىرۋ، زاڭ قابىلدانعان سوڭ، بىرتىندەپ، 10 جىل بويىنا ىسكە اسىرىلادى.

قازىرگى كەزدە ماجىلىستە دەپۋتۋتتاردان، قر ەڭبەك جانە حالىقتى الەۋمەتتىك قورعاۋ مينيسترلىگىنىڭ قىزمەتكەرلەرىنەن جانە ءارتۇرلى ساراپشىلاردان تۇراتىن جۇمىس توبى قۇرىلىپ، اتالعان ماسەلە جانە قر ۇلتتىق بانك ۇسىنىسىنا قاتىستى قوعامدىق پىكىردى زەرتتەۋمەن اينالىسىپ جاتىر.

5. قاراعاندىدا «بەسوبا» ىقشاماۋدانىندا تۇرعىن ءۇيدىڭ قۇلاۋى

بيىلعى 6 ساۋىردە قاراعاندىدا «بەسوبا» ىقشاماۋدانىندا بۇدان ءۇش جىل بۇرىن ۇلەسكەرلىك شارتىمەن سالىنعان 5 قاباتتى ءۇيدىڭ 4-پودەزدى بلوگى قۇلادى. ءۇي قۇلاعاندا ادام شىعىنى بولعان جوق.

ءۇيدىڭ قۇلاۋىنا بايلانىستى قۇرىلىس سالۋشىلارعا، جوبالاۋشىلارعا، سونداي-اق وس ۇيلەردى قابىلداۋ تۋرالى مەملەكەتتىك اكتىلەرگە قول قويعان لاۋازىم تۇلعالارىنا جانە مەملەكەتتىك قۇرىلىس-ساۋلەتتىك باقىلاۋ جۇرگىزگەن لاۋازىم تۇلعالارىنا قاتىستى ءتورت قىلمىستىق ءىس قوزعالدى.

6. قۇقىق قورعاۋ ورگان قىزمەتكەرلەرىن اتتەستاتسيالاۋ

8 ساۋىردە قازاقستان پرەزيدەنتى نۇرسۇلتان نازارباەۆ قر قۇقىق قورعاۋ ورگان قىزمەتكەرلەرىن كەزەكتەن تىس اتتەستاتتاۋ تۋرالى جارلىققا قول قويدى.

اتتەستاتتاۋ جۇرگىزۋ ءۇشىن قر پرەزيدەنتىنىڭ جانىنان ارنايى كوميسسيا قۇرىلدى. پرەزيدەنت اكىمشىلىگىنە، باس پروكۋراتۋراعا، ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنە (قارجى پوليتسياسىنا), ىشكى ىستەر مينيسترلىگىنە، توتەنشە جاعداي مينيسترلىگىنە، قارجى مينيسترلىگىنە قىزمەتكەرلەردى 2012 جىلعى 30 جەلتوقسانعا دەيىن اتتەستاتتاۋدان وتكىزۋ تاپسىرىلدى.

7. «ارقانكەرگەن» شەكارا بەكەتىندە جاپپاي ادام ءولتىرۋ

30 مامىردا «ارقانكەرگەن» شەكارا بەكەتىنىڭ جانىپ كەتكەن عيماراتى تابىلدى. وندا ورتەنگەن 14 شەكاراشىنىڭ مايىتتەرى، ونىڭ ماڭىندا اڭشىلىق شارۋاشىلىقتىڭ قورىقشىسىنىڭ ءمايىتى تابىلدى.

ءتىرى قالعان شەكاراشى ۆلاديسلاۆ چەلاحقا قىلمىستىق كودەكستىڭ سەگىز بابى بويىنشا - 2-دەن دە كوپ ادامدى ءولتىرۋ، ۇرلىق، «قۇپيا» بەلگىسى بار قۇجاتتاردى ۇرلاۋ، قارۋدى ۇرلاۋ جانە زاڭسىز ساقتاۋ، اسكەري مۇلىكتەردى زاقىمداۋ مەن دەزەرتيرلىك بويىنشا ايىپ تاعىلدى.

11 جەلتوقساندا سوت بارلىق باپ بويىنشا ۆ. چەلاحتى ايىپتى دەپ تانىپ، ەرەكشە رەجيمدەگى كولونياعا ءومىر بويىنا باس بوستاندىعىنان ايىرۋ جازاسىنا كەستى.

8. جوعارعى سوتتىڭ ەكس-سۋديالارى سايلاۋبەك جاكىشەۆ پەن الماز تاشەنوۆاعا ۇكىم شىعارۋ

1 ماۋسىمدا اقمولا وبلىسىنىڭ اۋدانارالىق قىلمىستىق ىستەر بويىنشا مامانداندىرىلعان سوتى جوعارعى سوتتىڭ ەكس-سۋديالارى سايلاۋبەك جاكىشەۆتى 12 جىلعا، ا. تاشەنوۆانى 10 جىلعا جالپى تارتىپتەگى كولونياعا باس بوستاندىعىنان ايىرۋ تۋرالى ۇكىم شىعاردى. ولار پارا العان، قىزمەت بابىن اسىر پايدالانعان، «الەل» قيك» اق پايداسىنا سوت ادىلەتتىگىنە جاتپايتىن سوت اكتىسىن شىعارعان، سول ارقىلى مەملەكەتكە ت495 ملن شىعىن كەلتىرگەن  دەپ ايىپتالدى.

6 جەلتوقساندا قاراعاندى وبلىستىق سوتتىڭ اپپەلياتسيالىق كوللەگياسى ۇكىمدى بۇزىپ، ءىستى الدىن الا تىڭداۋلاردان باستاپ قايتا تەكسەرۋگە، سونداي-اق بۇل ءىستىڭ قىلمىستىلىعىن شەشۋ ءۇشىن جوعارعى سوتقا جىبەردى.

9. كوممۋنالدىق قىزمەت پەن قولعامدىق كولىكپەن جول ءجۇرۋ تاريفتەرىنىڭ كوتەرىلۋى

قازاقستاننىڭ باسىم اۋماعىندا كوممۋنالدىق قىزمەت باعاسى كوتەرىلدى. مىسالى، وسكەمەندە، الماتىدا، قاراعاندى، اتىراۋ، قىزىلوردادا، تەمىرتاۋدا جىلۋ تاريفتەرى كوتەرىلدى. ودان باسقا، ىستىق سۋ تاريفتەرى وسكەمەندە ەداۋىر كوتەرىلىپ، تەمىرتاۋدا - ەكى ەسەدەي قىمباتتادى. سالقان سۋ باعاسى پەتروپاۆل مەن استانادا كوتەرىلدى.

سونداي-اق وسكەمەندە، قاراعاندىدا، پەروپاۆلدا ەلەكتر ەنەرگياسى قىمباتتادى. تالدىقورعاندا، وسكەمەندە، الماتى، پاۆلودار مەن پەتروپاۆلدا قوعامدىق كولىكپەن ءجۇرۋ باعاسى كوتەرىلدى.

10. الماتى وبلىسى مەن اتىراۋدا لاڭكەستىككە قارسى وپەراتسيا جۇرگىزۋ

11 شىلدەدە الماتى وبلىسىنىڭ قاراساي اۋدانى، تاۋسامالى كەنتىندە جەكە ۇيلەردىڭ بىرىندە ورىن العان كۇشتى جارىلىس پەن ورتتەن 8 ادام، ونىڭ ىشىندە 4 بالا قازا بولدى.

17 تامىزدا «تاڭ» ساياجاي ماسسيۆىندە جۇرگىزىلگەن انتيتەررورلىق وپەراتسيا بارىسىندا «تاۋسامالىنداعى» جارىلىسقا قاتىسى بار تاعى 9 ۇقت مۇشەلەرى جويىلدى.

بۇل رەتتە ارنايى بولىمشەنىڭ ءبىر قىزمەتكەرى جاراقاتتاندى.

14 قىركۇيەكتە اتىراۋدا بەلگىسىزدەر اسكەري قىزمەتكەردى بىتىرا وقپەن جاراقاتتاپ، اتىراۋ قالاسىنىڭ ءىىب عيماراتىنا ەنبەكشى بولدى. 21 قىركۇيەكتە ارنايى وپەراتسيا جۇرگىزۋ بارىسىندا كۇدىكتى قولعا ءتۇستى.

11. دونور جۇرەگىن قوندىرۋ بويىنشا قازاقستانداعى تۇڭعىش وپەراتسيا

8 تامىزدا استانانىڭ ۇلتتىق عىلىمي كارديولوگيا ورتالىعىندا العاش رەت قازاقستاندا دونور جۇرەگىنىڭ ترانسپلانتاتسياسى جاسالدى.

ناۋقاس جانىبەك وسپانوۆقا 46 جاسار ايەل گالينا ۆوروتنيكوۆانىڭ جۇرەگى قوندىرىلدى. دارىگەرلەر ايەلگە ينسۋلت سالدارىنان باس ميىنىڭ جۇمىسى توقتادى دەگەن دياگنوز قويدى. ونىڭ ۇلى اناسىنىڭ جۇرەگى مەن بۇيرەگىن دونورلىق ماقساتقا الۋعا كەلىسىم بەرگەن. دونوردىڭ بۇيرەگى باسقا پاتسيەنتكە قوندىرىلدى.

12. قازاقستاندىق سپورتشىلاردىڭ لوندونداعى وليمپياداداعى جەڭىستەرى

27 شىلدەدەن 12 تامىزعا دەيىن لوندوندا ححح جازعى وليمپيادا ويىندارى ءوتتى. قازاقستان لوندونداعى وليمپيادا ويىندارىنىڭ جالپىكوماندالىق ەسەبىندە 12-ءشى ورىن الدى.

قازاقستانعا التىن اكەلگەندەر - ۆەلوشاباندوز الەكساندر ۆينوكۋروۆ، اۋىر اتلەتتەر ءزۇلفيا چينشانلو، مايا مانەزا، سۆەتلانا پودوبەدوۆا، يليا يلين، جەڭىل اتلەتشى ولگا رىپاكوۆا جانە بوكسشى سەرىك ساپيەۆ. كۇمىس مەدالعا بوكسشى ادىلبەك نيازىمبەتوۆ.

قازاقستان قۇراماسىنىڭ قورجىنىنا قولا مەدال سالعاندار - ەركىن كۇرەس بالۋاندارى گۇزەل مانيۋروۆا مەن اقجۇرەك تاڭاتاروۆ، گرەك-ريم كۇرەسىنىڭ بالۋانى دانيال گادجيەۆ، بوكسشىلار يۆان دىچكو مەن مارينا ۆولنوۆا.

13. ىلە-الاتاۋ ۇلتتىق پاركىندەگى ادامداردىڭ ءولىمى

13-14 تامىزدا الماتى وبلىسىنداعى ىلە-الاتاۋ ۇلتتىق پاركىنىڭ اۋماعىندا 11 ادامنىڭ مايىتتەرى تابىلدى، ولاردىڭ ءبىرى ۇلتتىق پاركتىڭ قورىقشىسى پانايوت زاحاروپۋلونىڭ دەنەسى بولعان. 28 تامىزدا قورىقشىنىڭ ۇيىنەن تاعى ءبىر ادامنىڭ دەنەسى تابىلدى.

ىلە-الاتاۋ تابيعي باعىنداعى ادامداردى ولتىرگەنى ءۇشىن قىرقۇيەك ايىنىڭ سوڭىندا راديكالدى يسلام اعىنىن ۇستانعان توپتىڭ ەكى مۇشەسى ىزدەۋگە جاريالاندى.

14. اتىراۋ وبلىسىندا اسا ءىرى كولەمدە بيۋدجەت قارجىسىن جىمقىرۋ

21 تامىزدا قارجى پوليتسياسىنىڭ ورگاندارى اتىراۋ وبلىسى اكىمدىگىنىڭ لاۋازىمدى تۇلعالارىنىڭ كوممۋنالدىق مەنشىك نىساندارىن جەكەشەلەندىرۋ تۋرالى شەشىم قابىلداۋمەن ولاردى ارزانداتىلعان باعامەن ساتۋ كەزىندەگى تەرىس پايدالانۋلار فاكتىسى بويىنشا قىلمىستىق ءىس قوزعادى. شىعىننىڭ جالپى سوماسى ت34 ملرد-تان سوماعا باعالاندى.

جىمقىرۋلار فاكتىلەرى بويىنشا 31 قىلمىستىق ءىس قوزعالدى، قىلمىس جاسادى دەگەن ايىپپەن 9 ادام قاماۋعا الىندى، ۇشەۋى ۇيدەگى قاماۋعا الىندى، 11 ادام ىزدەۋگە جاريالاندى.

15. ۇكىمەتتىڭ وتستاۆكاعا كەتۋى جانە سەرىك احمەتوۆتىڭ پرەمەر-مينيستر بولىپ تاعايىندالۋى

24 قىرقۇيەكتە قازاقستان ۇكىمەتى وتستاۆكاعا كەتتى. پرەمەر-ءمينيستردىڭ قىزمەتىنە سەرىك احمەتوۆ تاعايىندالدى. بۇعان دەيىن ۇكىمەتتى باسقارعان كارىم ءماسىموۆ قازاقستان پرەزيدەنتى اكىمشىلىگىنىڭ جەتەكشىسى بولىپ تاعايىندالدى.

پرەمەر-ءمينيستردىڭ ورىنباسارلارى بولىپ قىرىمبەك كوشەرباەۆ پەن ەربول ورىنباەۆ تاعايىندالدى، اسەت يسەكەشەۆ - قر پرەمەر-ءمينيسترىنىڭ ورىنباسارى - قر يندۋستريا جانە جاڭا تەحنولوگيالار ءمينيسترى بولىپ تاعايىندالدى. ۇكىمەت مۇشەلەرىنىڭ باسىم بولىگى بۇرىنعى قىزمەتتەرىندە قالدى.

16. ۆلاديمير كوزلوۆقا جانە وپپوزيتسيانىڭ باسقا وكىلدەرىنە ۇكىم شىعارۋ

8 قازاندا ماڭعىستاۋ وبلىسىنىڭ قىلمىستىق ىستەر جونىندەگى اۋدانارالىق مامانداندىرىلعان سوتى «العا!» تىركەلمەگەن پارتياسىنىڭ ۇيىمداستىرۋ كوميتەتىنىڭ جەتەكشىسى ۆلاديمير كوزلوۆتى مۇلكىن تاركىلەۋمەن 7 جىل 6 ايعا باس بوستاندىعىنان ايىرۋ تۋرالى ۇكىم شىعاردى. پارتيا بەلسەندىسى سەرىك ساپارعالي 3 جىل سىناق مەرزىممەن 4 جىلعا، اقجانات ءامينوۆ شارتتى تۇردە 5 جىلعا باس بوستاندىعىنان ايىرىلدى.

ەسكە سالا كەتەيىك، وپپوزيتسيا وكىلدەرى الەۋەتتىك الاۋىزدىقتى ءورشىتتى، ۇقت قۇردى، جاڭاوزەندەگى تارتىپسىزدىكتەردى ۇيىمداستىردى دەپ ايىپتالعان.

17. بىرقاتار باسىلىمدى «بىرىڭعاي باق» دەپ ناتۋ جانە ولاردىڭ قىزمەتىن توقتاتۋ

21 قاراشادا الماتى پروكۋراتۋراسى 8 گازەت پەن 23 ينتەرنەت-رەسۋرستى «رەسپۋبليكا» بىرىڭعاي بۇقارالىق اقپارات قۇرالى ەتىپ تانۋ جانە ونىڭ، سونىڭ ىشىندە،  «ك+» تەلەارناسىنىڭ، Stan.TV ينتەرنەت-پورتالىنىڭ، «ۆزگلياد» گازەتىنىڭ جانە ونى كوشىرەتىن ينتەرنەت-رەسۋرستاردىڭ قر اۋماعىندا شىعارىلۋى مەن تاراتىلۋىن توقتاتۋ تۋرالى ارىز ءتۇسىردى.

سونىمەن بىرگە، guljan.org سايتىنىڭ قىزمەتىن ءۇش ايعا توقتاتتى، ال مادەنيەت جانەاقپارات مينيسترلىگى ADAMreader's جۋرنالىنىڭ مەملەكەتتىك تىركەۋىن قايتارىپ الدى.

18. استانانىڭ ەحرو-2017 وتكىزۋ قۇقىعىن جەڭىپ الۋى

22 قاراشادا استانا 161 مۇمكىن داۋىستىڭ 103-ءىن جيناپ، ەحرو-2017 حالىقارالىق مامانداندىرىلعان كورمەسىن وتكىزۋ قۇقىعى ءۇشىن كونكۋرستا جەڭىسكە جەتتى. قر قارسىلاسى 44 داۋىسقا يە بولعان بەلگيالىق لەج قالاسى بولعان.

قازاقستان استاناسىنداعى ەحرو-2017 كورمەسى ورتالىق ازيا ايماعى مەن تمد ەلدەرىندە وتكىزىلەتىن العاشقى حالىقارالىق كورمە بولادى. قازاقستاننىڭ ەحرو-2017-گە ۇسىنىپ وتىرعان كورمەنىڭ تاقىرىبى - «بولاشاقتىڭ ەنەرگياسى» بالاما قۋات كوزدەرىن پايدالانۋ پروبلەمالارىن قوزعايدى.

19. تۇڭعىش پرەزيدەنت كۇنىن مەرەكەلەۋ

1 جەلتوقساندا قر-دا العاش رەت تۇڭعىش پرەزيدەنت كۇنى اتاپ ءوتىلدى. ونى مەرەكەلەۋ اياسىندا بۇكىل ەل بويىنشا قر پرەزيدەنتى نۇرسۇلتان نازارباەۆقا ارنالعان كەڭ كولەمدى مەرەكەلىك شارالار ءوتتى. 1991 جىلدىڭ 1 جەلتوقسانىندا رەسپۋبليكا پرەزيدەنتىنىڭ جالپىحالىقتىق سايلاۋى ءوتىپ، قازاقستان رەسپۋبليكاسى پرەزيدەنتتىگىنىڭ ينستيتۋتى قۇرىلدى.

«قازاقستان رەسپۋبليكاسىنداعى مەرەكەلەر تۋرالى» قر زاڭىنا تولىقتىرۋلار ەنگىزۋ تۋرالى زاڭ جوباسىن سەنات 2011 جىلدىڭ 10 جەلتوقسانىندا ماقۇلدادى.

20. «بايقوڭىر» عارىش كەشەنىنىڭ بىرتىندەپ قازاقستاننىڭ يۋريسديكتسياسىنا ءوتۋى

10 جەلتوقساندا قر «قازعارىش» ۇلتتىق عارىش اگەنتتىگىنىڭ توراعاسى تالعات مۇساباەۆ قازاقستان مەن رەسەيدىڭ جاڭا كەلىسىم ازىرلەپ جاتقانىن، وندا «بايقوڭىر» كەشەنىن بىرتىندەپ جالعا بەرۋدەن شىعارۋ قاراستىرىلاتىنىن حابارلادى. ونىڭ ايتۋىنشا، قازىرگى ۋاقىتتا بايقوڭىر قالاسى بويىنشا ارەندالىق قارىم-قاتىناستاردان كەتۋ ماسەلەسى پىسىقتالۋدا، ول قازاقستاننىڭ يۋريسديكتسياسىنا الىنۋى مۇمكىن.

2010 جىلدىڭ 9 ساۋىرىندە قازاقستان مەن رەسەيدىڭ اراسىنداعى رەسەيدىڭ قازاقستاندىق «بايقوڭىر» عارىش ايلاعىن جالعا الۋىن 2050 جىلعا دەيىن ۇزارتاتىن كەلىسىم راتيفيكاتسيالاندى. كەلىسىمنىڭ وزىنە ەكى ەلدىڭ پرەزيدەنتتەرى 2004 جىلدىڭ 9 قاڭتارىندا استانادا قول قويدى.

«Abai.kz»

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3516