الاشقا ساۋىن ايتار جاقسى جاڭالىعىمىز بار! ۇلت مۇددەسىن قورعاۋدا الدىڭعى قاتاردان كورىنىپ كەلە جاتقان «جاس قازاق ءۇنى» گازەتى ۇلت زيالىلارى مەن قالىڭ وقىرمان تالاپ ەتكەندەي بار قازاق ۇنىنە اينالىپ، «قازاق ءۇنى» گازەتى بولدى.

العاشقى سانىمىزدا الاشتىڭ يگى جاقسىلارى اق تىلەگىن ايتىپ، قۇتتىقتاعان ەدى. ولاردىڭ قاتارىندا سالىق زيمانوۆ، قاسىم قايسەنوۆ، قادىر، تۇمانباي سەكىلدى ت.ب. ءبىرتۋار تۇلعالار بولعان ەدى. سولاردىڭ، قالىڭ وقىرماننىڭ ءۇمىتى اقتالىپ، ەندى كەشەگى «جاس قازاق ءۇنى»، بۇگىنگى «قازاق ءۇنى» گازەتى بار قازاقتىڭ جىرىن جىرلاپ، ءمۇڭىن مۇڭدادى.

گازەت ەشۋاقىتتا ۇلت مۇددەسىنە كەلگەندە بۇعىپ قالعان جوق. باسىن بايگەگە تىگىپ، حاننىڭ دا، قارانىڭ دا كوڭىلىنە قاراماي، حالىقتىڭ ءسوزىن سويلەپ كەلە جاتىر. سوندىقتان دا، نەبىر وليگارحتار مەن قالتالى توپتاردىڭ، بەلگىلى پارتيالار مەن ۇلكەن ۇيىمداردىڭ باسىلىمدارى كەشەگى قيىن-قىستاۋدا جابىلىپ جاتسا دا، تەك ءوز ەڭبەكتەرى مەن ۇلتتىق نامىستارىنا سەنگەن،  ساناۋلى عانا جاس جۋرناليستەردەن قۇرالعان، جاياۋ ءجۇرىپ اتتىدان وزعان «جاس قازاق ءۇنى» گازەتىمىز جارالى بولىپ جاتقان كۇندەردە دە،  مايدان دالاسىن تاستاپ كەتكەن جوق.

"قازاق ءۇنى" گازەتى العاش «جاس  قازاق ءۇنى» دەگەن اتپەن  2000 جىلى 11 تامىزدا 15 مىڭ دانامەن جارىق كوردى.

الاشقا ساۋىن ايتار جاقسى جاڭالىعىمىز بار! ۇلت مۇددەسىن قورعاۋدا الدىڭعى قاتاردان كورىنىپ كەلە جاتقان «جاس قازاق ءۇنى» گازەتى ۇلت زيالىلارى مەن قالىڭ وقىرمان تالاپ ەتكەندەي بار قازاق ۇنىنە اينالىپ، «قازاق ءۇنى» گازەتى بولدى.

العاشقى سانىمىزدا الاشتىڭ يگى جاقسىلارى اق تىلەگىن ايتىپ، قۇتتىقتاعان ەدى. ولاردىڭ قاتارىندا سالىق زيمانوۆ، قاسىم قايسەنوۆ، قادىر، تۇمانباي سەكىلدى ت.ب. ءبىرتۋار تۇلعالار بولعان ەدى. سولاردىڭ، قالىڭ وقىرماننىڭ ءۇمىتى اقتالىپ، ەندى كەشەگى «جاس قازاق ءۇنى»، بۇگىنگى «قازاق ءۇنى» گازەتى بار قازاقتىڭ جىرىن جىرلاپ، ءمۇڭىن مۇڭدادى.

گازەت ەشۋاقىتتا ۇلت مۇددەسىنە كەلگەندە بۇعىپ قالعان جوق. باسىن بايگەگە تىگىپ، حاننىڭ دا، قارانىڭ دا كوڭىلىنە قاراماي، حالىقتىڭ ءسوزىن سويلەپ كەلە جاتىر. سوندىقتان دا، نەبىر وليگارحتار مەن قالتالى توپتاردىڭ، بەلگىلى پارتيالار مەن ۇلكەن ۇيىمداردىڭ باسىلىمدارى كەشەگى قيىن-قىستاۋدا جابىلىپ جاتسا دا، تەك ءوز ەڭبەكتەرى مەن ۇلتتىق نامىستارىنا سەنگەن،  ساناۋلى عانا جاس جۋرناليستەردەن قۇرالعان، جاياۋ ءجۇرىپ اتتىدان وزعان «جاس قازاق ءۇنى» گازەتىمىز جارالى بولىپ جاتقان كۇندەردە دە،  مايدان دالاسىن تاستاپ كەتكەن جوق.

"قازاق ءۇنى" گازەتى العاش «جاس  قازاق ءۇنى» دەگەن اتپەن  2000 جىلى 11 تامىزدا 15 مىڭ دانامەن جارىق كوردى.

باسىندا گازەت «جاس قازاق» دەگەن اتپەن تىركەلمەك بولىپ، جشس اتى «جاس قازاق» تاۋەلسىز گازەتى رەداكتسياسى» دەگەن اتپەن تىركەلگەن ەدى.  بىراق گازەتتى بۇل اتپەن سول كەزدەگى اقپارات ءمينيسترى تىركەۋدەن باس تارتقان سوڭ، ءۇش ايلىق ايتىس-تارتىستان سوڭ، گازەت «جاس قازاق ءۇنى» بولىپ تىركەلدى.  «جاس قازاق ءۇنى» بىراق ەل ىشىندە «جاس قازاق» دەگەن اتپەن دە بەلگىلى بولىپ كەلدى.

«جاس قازاق ءۇنى»   گازەتى رەسپۋبليكاعا بەلگىلى قوعامدىق-ساياسي ۇلتتىق باسىلىم. وتكىرلىگى مەن ادىلدىگى جانە  كوبىنەسە بىرجاقتى باسىلىمدار اراسىندا بيلىكتى دە، وپپوزيتسيانى دا اشىق تا، باتىل سىنايتىنىمەن   ەرەكشەلەنەدى. ەڭ باستى ماقساتى - ۇلت مۇددەسىنىڭ ۇپايىن تۇگەندەۋ.

نەگىزگى تاقىرىبى - مەملەكەت پەن ۇلت مۇددەسىن قورعاۋ. پارلامەنت دەپۋتاتتارى مەملەكەتتىك تىلگە قارسى شىققاندا، ونىڭ ستەنوگرامماسىن جاريالاپ جىبەرگەن گازەتتىڭ سەڭ قوزعاعان سەنساتسيالىق  ماقالاسى ەلىمىزدى ءدۇر سىلكىندىرىپ، زيالى قاۋىمنىڭ سەنات پەن ماجىلىسكە اشىق حات جولداۋىنا سەبەپشى بولدى. ونى كوپتەگەن ءباسپاسوز قۇرالدارى قاتتى قولداپ كەتكەنى بەلگىلى. ەلىمىزدىڭ باس گازەتى «ەگەمەن قازاقتاندا»  ءبىرتۋار قايراتكەر شەرحان مۇرتازا: «كىمنىڭ كىم ەكەنىن بىلگىڭ كەلسە، تەك «جاس قازاق ءۇنى» گازەتىن عانا وقىپ، بىلە الاسىزدار» دەسە، «قازاق ادەبيەتى» گازەتى: «جاس قازاق  ءۇنى» ءبىر ماقالاسىمەن-اق ۇيقىداعى جۇرتتى وياتتى» دەپ جازدى.

2009 جىلى قازاق تۋرالى ءبىر اۋىز ءسوزى جوق «ەل بىرلىگى» دوكتريناسى شىققاندا «ەل بىرلىگىن بۇزاتىن» ەرتىسباەۆتاردىڭ «ەرتەگىسىنە»  قارسىلىق تانىتىپ،  اشتىق جاريالاعان مۇحتار شاحانوۆ باستاعان ۇلت پاتريوتتارىنىڭ باسىندا «جاس قازاق ءۇنى» گازەتى ۇجىمىنىڭ جارتىسىنىن استام، باسشىسىنان  باستاپ، 4 ءجۋرناليسى بولدى. ال 2011 جىلعى بۇكىل ەلدى ءدۇر سىلكىندىرگەن مەملەكەتتىك ءتىل اتازاڭعا ساي بولۋى ءۇشىن كونسيتيتۋتسيادان ورىس ءتىلى تۋرالى 7-باپتىڭ 2-تارماعىن الىپ تاستاۋ جايلى ايگىلى  «138-ءدىڭ حاتى» كەزىندە گازەتىمىز اۆانگارد ءرولىن اتقارىپ، 20 مىڭعا جۋىق قول جيناۋدى ۇيىمداستىرىپ، جاريالادى... بۇگىندە ۇلت ماسەلەسى تالقىعا تۇسكەندە «وسى گازەت نە دەيدى» دەپ ءۇمىت ەتەتىن ساناۋلى عانا باسىلىمداردىڭ باسىندا كەشەگى «جاس قازاق ءۇنى»،  بۇگىنگى «قازاق ءۇنى» گازەتى تۇرعانىن ەل جاقسى بىلەدى.

ءبىر باسىلىمعا بەرگەن سۇقباتىمدا ايتىپ ەدىم،  ۇنەمى رۋحانياتقا دەمەۋ بولىپ جۇرەتىن يمانعالي تاسماعامبەتوۆ باس رەداكتورلاردى جيناعان كەزدە «ەگەمەن قازاقستان» گازەتىنىڭ پرەزيدەنتى ساۋىتبەك ءابدىراحمانوۆ «قازمۇنايگاز» سەكىلدى قارجى الپاۋىتىندا  ىستەپ ءجۇرىپ، «ايقارما» اتتى گازەت اشقان شارحان قازىعۇلعا «تاريحتا ەڭ تەز اشىلىپ، تەز جابىلىپ قالعان گازەتتىڭ رەداكتورى» دەپ قالجىڭدادى. «وي، گازەتى قۇرسىن، وتە قيىن ەكەن، قارجى جەتپەيدى» دەگەن شاكەڭنىڭ كەنەت ماعان كوزى ءتۇسىپ كەتىپ، «وسى قازىبەككە تاڭىم بار، قالاي گازەت شىعارىپ، قالاي شىداپ كەلەدى» دەگەن ەدى. مەن جاي عانا: «جاس قازاق ءۇنى» جابىلۋدان كەتكەن گازەت قوي. ويتكەنى ونى قازىر بار قازاق ىزدەپ وقيدى» دەپ جاۋاپ بەردىم. ارينە، «جاس قازاق ءۇنى» گازەتىنىڭ بار قازاق ءۇنى بولىپ كەلە جاتقانىندا يسلام ابىشەۆ باستاعان اتپال ازاماتتاردىڭ دا، ۇلتىم دەگەن قايراتكەرلەر مەن ساياساتكەرلەردىڭ دە، اپتا سايىن الاڭداپ كۇتىپ وتىراتىن جالپى وقىرمان قاۋىمنىڭ دا ەڭبەگى زور...

قازىر  «قازاق ءۇنى» - اتىنا ساي بار قازاق ۇنىنە اينالدى. سوندىقتان دا جاقسى وقىلاتىن سايتتار قاتارىنداعى ەلەكتروندىق پورتالىمىز و باستان www.qazaquni.kz دەپ اتالادى. كەزىندە "كوپتەگەن ۇلت قايراتكەرلەرىنىڭ ۇسىنىستارى بويىنشا  گازەتىمىزدىڭ اتى دا بولاشاقتا «قازاق ءۇنى» دەپ اتالۋى مۇمكىن..." دەگەن ەدىك سول كەزدە. ەندى مىنە، وقىرماندارعا ايتار قۋانىشتى جاڭالىعىمىز - گازەتىمىز "قازاق ءۇنى" دەپ اتالىپ وتىر.

الامانعا اتتانعان  «جاس قازاقتارىڭىز» ەندى بار قازاق ءۇنى بولىپ، اقپارات الاڭىنا شىقتى!  «قازاق ءۇنى» گازەتىن قارسى الىڭىزدار، قادىرمەندى وقىرمان قاۋىم، قالىڭ قازاق، التى الاش ەلى!

قازىبەك يسا،

«قازاق ءۇنى» گازەتى باس ديرەكتورى -

رەداكتورلار كەڭەسى توراعاسى

«Abai.kz»