«قازاقستان» ۇلتتىق تەلەارناسى ءوز كورەرمەندەرىنە «كەمەل ەل» اتتى دەرەكتى فيلمدەر توپتاماسىن ۇسىنادى. ءۇش بولىمنەن تۇراتىن وسىناۋ تەلەونىم ءبىلىم جانە عىلىم، دەنساۋلىق ساقتاۋ، ونەركاسىپ، ەكونوميكا جانە وزگە دە الەۋمەتتىك سالالارداعى ەلىمىزدىڭ جيىرما جىلدا جەتكەن جەتىستىكتەرى مەن العا قويعان ماقساتتارى جايىندا بايانداماق.

«قازاقستان» ۇلتتىق تەلەارناسى ءوز كورەرمەندەرىنە «كەمەل ەل» اتتى دەرەكتى فيلمدەر توپتاماسىن ۇسىنادى. ءۇش بولىمنەن تۇراتىن وسىناۋ تەلەونىم ءبىلىم جانە عىلىم، دەنساۋلىق ساقتاۋ، ونەركاسىپ، ەكونوميكا جانە وزگە دە الەۋمەتتىك سالالارداعى ەلىمىزدىڭ جيىرما جىلدا جەتكەن جەتىستىكتەرى مەن العا قويعان ماقساتتارى جايىندا بايانداماق.

«قازاقستاندا جاسالعان» دەرەكتى ءفيلمى. قاڭتاردىڭ 8 جۇلدىزى كۇنى استانا ۋاقىتىمەن ساعات 18.30-دا. «ۇدەمەلى يندۋستريالدى-يننوۆاتسيالىق دامۋ باعدارلاماسى اياسىندا جۇزەگە اسقان جوبالار مەن جەتىستىكتەر، وتاندىق ونىمدەردىڭ نارىقتاعى كولەمى، جاڭا جۇمىس ورىندارى - مۇنىڭ بارلىعى دا ناقتى تسيفرلارمەن.»
فيلم بارىسىندا «باتىس ەۋروپا - باتىس قىتاي» اۆتوماگيسترالىنىڭ سالىنۋ بارىسى، قازاقستاندا جاسالىپ جاتقان اۆتوكولىكتەر، قارىشتاپ دامىپ كەلە جاتقان ەلىمىزدىڭ عارىش سالاسى جايىندا تىڭ مالىمەتتەر مەن ناقتى كورسەتكىشتەر ماماندار اۋزىمەن ايتىلماق.
«ەڭبەگىن ەمگەننىڭ ەسەسى تۇگەل» دەرەكتى ءفيلمى. قاڭتاردىڭ 9 جۇلدىزى، استانا ۋاقىتىمەن ساعات 18.30-دا. «2020 جىلعا دەيىن قازاقستاندىق 1 ميلليون وتباسى باسپانالى بولىپ، تاعى ميلليونداعان ازامات تۇراقتى جۇمىسپەن قامتىلماق. حالىقتىڭ الەۋەتى دە ارتىپ، ەلدەگى ءومىر ءسۇرۋ دەڭگەيى جوعارىلايدى. مۇنداي سەرپىلىس قازاقستاندى الەمدەگى الىپ دەرجاۆالار قاتارىنا الىپ شىعارى ءسوزسىز!»
اتالعان فيلم بارىسىندا ەلباسىنىڭ «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» اتتى ماقالاسىنداعى تاپسىرمالاردىڭ ورىندالۋ بارىسى باياندالادى.
«ءبىلىم - وركەنيەت ءورىسى» دەرەكتى ءفيلمى. قاڭتاردىڭ 10 جۇلدىزى كۇنى استانا ۋاقىتىمەن ساعات 18.30-دا. «ەندى ساپالى ءبىلىم الۋ ءۇشىن شەت ەلگە شىعۋدىڭ قاجەتى جوق. قازاقستانداعى مەكتەپتەردە جاس ۇرپاق زاماناۋي ءادىس-تاسىلدەرمەن وقىتىلادى. ال، ەلدەگى مۇعالىمدەردىڭ تەڭ جارتىسى ارنايى ورتالىقتاردا بىلىكتىلىگىن ارتتىرماق. ويتكەنى جارقىن بولاشاق تەك دارىندى جاستاردىڭ قولىندا!»
دەرەكتى فيلم قازاقستانداعى ءبىلىم جانە عىلىم سالاسىنىڭ وزگەرىستەرى، جەتىستىكتەرى مەن الداعى جوسپارلارى جايىندا باياندايدى. سونىمەن قاتار، نازارباەۆ ۋنيۆەرسيتەتى مەن زياتكەرلىك مەكتەپتەرى، «بالاپان»، «100 مەكتەپ، 100 اۋرۋحانا» باعدارلامالارى جايىندا ءسوز بولماق. وقۋشىلار مەن ستۋدەنتتەرگە ءبىلىم بەرۋ ءادىسىنىڭ قالاي وزگەرەتىندىگى تۋرالى دا اتالعان فيلمنەن كورە الاسىزدار.
ايتا كەتەيىك، دەرەكتى فيلمدەر توپتاماسى كاسىبي اكتەرلاردىڭ قاتىسۋىمەن تۇسىرىلگەن.