بيىل قاڭتار ايىندا تارتىپسىزدىك ۇيىمداستىرۋشى رەتىندە كۇدىككە ىلىنگەن 20-عا جۋىق ادامعا راقىمشىلىق جاسالمايدى. باس پروكۋروردىڭ ورىنباسارى اسەت شىنداليەۆتىڭ حابارلاۋىنشا، قاڭتار وقيعاسىنا بايلانىستى ۇستالعان كاسىپكەر قايرات قۇدايبەرگەن مەن «ديكي ارمان» لاقاپ اتىمەن تانىمال ارمان جۇماگەلديەۆتىڭ وسى ساناتقا جاتادى.

«بىزدە جالپى 20 شاقتى ادامنىڭ ارەكەتى (قاڭتار وقيعاسى كەزىندە) جاپپاي تارتىپسىزدىكتى ۇيىمداستىرۋشى رەتىندە قىلمىستارى سارالانعان. ولارعا راقىمشىلىق جاسالمايدى، تەك قاتىسۋشىلار راقىمشىلىققا ىلىگەدى.

قاڭتار وقيعاسىندا قىلمىس جاساعانداردىڭ باسىم بولىگى قاتىسۋشىلار بولىپ سانالادى. ولاردىڭ سانى شامامەن 700 ادام. ولاردىڭ بارىنە راقىمشىلىق جاسالادى، ال جاپپايى تارتىپسىزدىك ۇيىمداستىرعان 20 ادام راقىمشىلىققا ىلىنبەيدى»، - دەدى اسەت شىنداليەۆ.

وسى ورايدا ول قايرات قۇدايبەرگەنگە ۇيىمداستىرۋشى ايىبى تاعىلعانىن ناقتىلادى.

Abai.kz