ساياجايلار مەن جالعا بەرىلەتىن پاتەرلەر تەكسەرىلىپ جاتىر. بۇل تۋرالى ىشكى ىستەر مينيسترلىگىنىڭ وكىلى شۇعىلا تۇرلىبەك مالىمدەدى. 

"ەل اۋماعىندا «ۋچاستوك» جالپى رەسپۋبليكالىق جەدەل-پروفيلاكتيكالىق ءىس-شاراسى جالعاسۋدا. شارا ازاماتتاردىڭ قاۋىپسىزدىگىن قامتاماسىز ەتۋ، قوعامدىق ءتارتىپتى ساقتاۋ، قىلمىستىق قۇقىق بۇزۋشىلىقتاردىڭ الدىن الۋ، ولاردى انىقتاۋ جانە جولىن كەسۋ ماقساتىندا وتەدى. اكتسيا اياسىندا بازارلار، ساۋدا ورىندارى، ساياجايلار مەن شارۋا قوجالىقتارى، قالا سىرتىنداعى قىستاۋلار، سونداي-اق جالعا بەرىلەتىن پاتەرلەر تەكسەرىلەدى", - دەپ اتاپ ءوتتى ۆەدومستۆو وكىلى.

ايتۋىنشا، ناۋقانعا ءتارتىپ ساقشىلارى جاپپاي جۇمىلدىرىلادى.

وعان جەرگىلىكتى پوليتسيا قىزمەتىنىڭ، كوشى-قون، كريمينالدىق، پاترۋلدىك پوليتسيانىڭ جانە باسقا دا جەدەل قىزمەتتەردىڭ كۇشتەرى جۇمىلدىرىلعان. اششاماتتىق اتىس قارۋى مەن ونى ساقتاۋ ەرەجەلەرىنىڭ ساقتالۋى نازاردان تىس قالمايدى، - دەدى شۇعىلا تۇرلىبەك.

Abai.kz