قورعانىس ءمينيسترى رۋسلان جاقسىلىقوۆ كازينو ويناعان شەندىلەرگە قاتىستى تۇسىنىك بەردى. ونىڭ ايتۋىنشا قازىر اسكەري قىزمەتكەرلەردىڭ اتى-ءجونى انىقتالىپ، تەكسەرىس جۇرگىزىلىپ جاتىر.

"ولار قورعانىس مينيسترلىگى قىزمەتكەرلەرى ەمەس – اسكەري قىزمەتكەرلەر. ارقايسىسى بويىنشا قىزمەتتىك تەكسەرىس ءجۇرىپ جاتىر. قورىتىندىسىنا قاراي شەشىم قابىلدانادى",- دەدى مينيستر.

ونىڭ سوزىنشە، قۇمار ويىن ويناعان اسكەري قىزمەتكەرلەردىڭ اراسىندا جوعارى لاۋازىمدى تۇلعالار، گەنەرالدار جوق.

"بۇلار ورتاشا قۇرامداعى اسكەري قىزمەتكەرلەر، جوعارى لاۋازىمدىلارى جوق. جوعارى قۇرامداعىلاردىڭ وعان ۋاقىتى دا جوق، سەبەبى ءبىز ءاردايىم سىرتتا جۇرەمىز، جۇمىستامىز",- دەدى رۋسلان جاقسىلىقوۆ.

ايتا كەتەيىك، بۇعان دەيىن 305 قازاقستاندىق شەنەۋنىكتىڭ كازينوعا 507 ميلليون تەڭگە جۇمساعانى بەلگىلى بولعان.

ولاردىڭ ىشىندە  ىشكى ىستەر مينيسترلىگىنىڭ – 97, قورعانىس مينيسترلىگىنىڭ – 95, قارجى مينيسترلىگىنىڭ - 25, جوعارعى سوتتىڭ — 7, قارجى مونيتورينگ اگەنتتىگىنىڭ — 15, سىبايلاس جەمقورلىققا قارسى ءىس-قيمىل اگەنتتىگىنىڭ — 3, سونىمەن بىرگە جەرگىلىكتى اتقارۋ ورگانىنىڭ — 36 جانە وزگە مەملەكەتتىك ورگانداردىڭ 27 قىزمەتكەرى بولعان.

Abai.kz