سەنبى, 28 قاڭتار 2023
بيلىك 1075 1 پىكىر 14 قاراشا, 2022 ساعات 11:57

شەتەلدەگى اكتيۆتەردى ەلگە قايتارۋ ءۇشىن نە ىستەلۋدە؟

باس پروكۋراتۋرا شەتەلگە زاڭسىز شىعارىلعان مۇلىككە تىيىم سالۋ ءوتىنىشىن قاي قۇجاتتىڭ نەگىزىندە جولدايتىنىن ءتۇسىندىردى.

«باس پروكۋراتۋرا قۇقىق قورعاۋ ورگاندارىنا شەتەلدەگى قىلمىستىق كىرىستەردى ىزدەۋ، تىيىم سالۋ جانە تاركىلەۋ بويىنشا قولدانۋ مەن جۇمىستا پايدالانۋ ءۇشىن بەرىلگەن ساتىلىق الگوريتمدەردى، ادىستەمەلەر مەن سۇراۋلاردىڭ ۇلگىلەرىن دايىندادى. قىلمىستىق اكتيۆتەردىڭ شەتەلگە شىعارىلۋ دالەلدەمەلەرىنىڭ جينالۋىنا قاراي قارجىلىق بارلاۋ بولىمشەلەرىنىڭ (الەمنىڭ 160 ەلىنەن استام قارجىلىق بارلاۋ اراسىنداعى ەلەكتروندىق اقپارات الماسۋدىڭ «ەگمونت» جەلىسى ارقىلى) مۇمكىندىكتەرىن پايدالانا وتىرىپ، قىلمىستىق جولمەن الىنعان اكتيۆتەرگە تىيىم سالۋ بويىنشا جەدەل شارالار قابىلدانۋدا. باس پروكۋراتۋرا كەيىننەن قۇقىقتىق كومەك كورسەتۋ تۋرالى (قىلمىستىق-پروتسەستىك كودەكستىڭ 560-بابىنا سايكەس), ونىڭ ىشىندە شەتەلدەگى مۇلىككە تىيىم سالۋ جانە تاركىلەۋ ءۇشىن سۇراۋلار جولدايدى.

رەسمي جاۋاپقا سۇيەنسەك شەت مەملەكەتتەرگە ونداي ءوتىنىش جاساۋ ءۇشىن ەكىجاقتى كەلىسىم بولعانى كەرەك.

«ءوتىنىم جولداۋدىڭ قۇقىقتىق نەگىزى رەتىندە باس پروكۋراتۋرانىڭ قىلمىستىق-قۇقىقتىق سالاداعى جاساسقان ەكىجاقتى كەلىسىمدەرى بولىپ تابىلادى. بۇگىنگى كۇنى 34 مەملەكەتپەن 72 ەكىجاقتى كەلىسىمگە (ونىڭ ىشىندە اقش-پەن، ۇلىبريتانيامەن، موناكومەن، يسپانيامەن، يتاليامەن، ءباا-مەن جانە ت.ب. كەلىسىمدەرگە) قول قويىلدى. قۇقىقتىق كومەك كورسەتۋ تۋرالى سۇراۋلاردى، ونىڭ ىشىندە «كارين» جانە «ارين» (ەۋروپا، ازيا جانە الەمنىڭ باسقا ەلدەرى پروكۋرورلارىنىڭ اكتيۆتەردى قايتارۋ جونىندەگى جەلىلەرى) ارنالارى ارقىلى سۇيەمەلدەۋ جانە ولاردىڭ ورىندالۋىن تەزدەتۋ تۇراقتى نەگىزدە پىسىقتالادى»، -دەلىنگەن جاۋاپتا.

سونداي-اق باس پروكۋراتۋرا وكىلدەرى قازىر قارالىپ جاتقان ىستەردىڭ ەگجەي-تەگجەيىن باق-قا ءمالىم ەتۋ قازاقستان زاڭناماسىنا قايشى ەكەنىن جازعان.

«دەگەنمەن قىلمىستىق ىستەر بويىنشا سوتقا دەيىنگى تەرگەپ-تەكسەرۋ دەرەكتەرi جاريا ەتiلمەۋگە ءتيىس (قپك-ءنىڭ 201-بابىنىڭ 1-بولىگى). وسىعان وراي قازىرگى ۋاقىتتا اتالعان سوتقا دەيىنگى ءىس جۇرگىزۋلەر بويىنشا نەعۇرلىم ەگجەي-تەگجەيلى اقپاراتتى جاريالاۋ مۇمكىن ەمەس. سونداي-اق، ەكونوميكالىق رەسۋرستاردىڭ زاڭسىز شوعىرلانۋىنا قارسى ءىس-قيمىل ماسەلەلەرى جونىندەگى ۆەدومستۆوارالىق كوميسسيانىڭ قىزمەتىن بۇقارالىق اقپارات قۇرالدارىندا جاريالاۋ قازاقستان رەسپۋبليكاسى زاڭناماسىمەن قورعالاتىن قۇپيانى اشۋعا قويىلاتىن تالاپتارى ەسكەرىلە وتىرىپ جۇزەگە اسىرالاتىنىن حابارلايمىز»، - دەپ جازىلعان باس پروكۋراتۋرا مالىمەتىندە.

Abai.kz

1 پىكىر

ۇزدىك ماتەريالدار

انىق-قانىعى

جاقيانوۆ: ماعان اشىق جالا جابۋعا كىرىستى...

عالىمجان جاقيانوۆ 3121
ايقاي

ەلدە ۇلتتىق يدەولوگيا وتە ءالسىز...

بەيسەنعازى ۇلىقبەك 1907