سوت اتىراۋ وبلىسى اكىمىنىڭ بۇرىنعى ورىنباسارى باقىتگۇل حامەنوۆانى قر قىلمىستىق كودەكسىنىڭ 366-بابى 3-ءبولىمىنىڭ 2-تارماعىمەن ء(ىرى كولەمدە پارا الۋ) كىنالى دەپ تانىپ، 7 جىلعا باس بوستاندىعىنان ايىرۋعا ۇكىم شىعاردى.

سونىمەن قاتار باقىتگۇل حامەنوۆا «قۇرمەت» وردەنىنەن ايىرىلدى.

اتىراۋداعى №2 قالالىق سوتتا باقىتگۇل حامەنوۆاعا قاتىستى سوت وتىرىسى 11 تامىزدا باستالعان بولاتىن. سوت وتىرىسىندا باقىتگۇل حامەنوۆا وزىنە تاعىلعان ايىپتى مويىنداعان جوق.

قازاننىڭ 31 كۇنى وتكەن سوت وتىرىسىندا پروكۋراتۋرا وكىلى باقىتگۇل حامەنوۆانى 7 جىلعا باس بوستاندىعىنان، «قۇرمەت» وردەنىنەن ايىرۋدى سۇرادى.

بۇگىنگى سوت وتىرىسىندا سوڭعى ءسوزىن ايتقان باقىتگۇل حامەنوۆا: «مەنىڭ بۇل قىلمىستىق وقيعاعا قاتىسىم بولعان جوق. وسى ءىس بويىنشا زاڭعا سايكەس اقتاۋ ۇكىمى شىعارىلۋى مۇمكىن»، -دەدى.

Abai.kz