جەكسەنبى, 5 اقپان 2023
انە، كوردىڭ بە؟ 1389 107 پىكىر 17 قاراشا, 2022 ساعات 14:29

ۇمىتكەرلەر: اقشاسى كوپ التاۋ...

پرەزيدەنتتىككە ۇمىتكەرلەردىڭ ارقايسىسىندا قانشا قاراجات بار جانە ول قارجى قايدا جۇمسالىپ جاتىر؟ بۇل سۇراققا رەسپۋبليكا.kz تەلەگرام ارناسى جاۋاپ جازىپتى.

ەڭ اۋقىمدى قاراجات قازىرگى پرەزيدەنت قاسىم-جومارت توقاەۆقا تيەسىلى. ونىڭ بيۋدجەتى وتكەن جولعى ەسەپتەن ەش وزگەرگەن جوق – 1 ملرد 620 ملن تەڭگە. ونىڭ ىشىندە 720 ملن تەڭگەسى ءوز قالتاسىنان جانە كانديداتتى ۇسىنعان قوعامدىق بىرلەستىكتىڭ بيۋدجەتىنەن ۇسىنىلدى. 899,9 ملن تەڭگەنى ازاماتتار مەن ۇيىمدار ەرىكتى تۇردە اۋدارعان.

ەكىنشى ورىندا 476 ملن تەڭگەگە جۋىق قاراجاتپەن قاراقات ابدەن تۇر. بارلىق قارجى كانديداتقا ەرىكتى تۇردە اۋدارىلعان. ۇگىت-ناسيحات باستالعان ساتتە ابدەننىڭ 187 ملن تەڭگەسى بولعان.

بيۋدجەتى بويىنشا ءۇشىنشى ورىنداعى جيگۋلي دايراباەۆقا قازاقستاندىقتار 26,5 ملن تەڭگەنى ەرىكتى تۇردە اۋداردى. وسىلايشا ونىڭ قاراجاتى 430,5 ملن تەڭگەگە دەيىن ءوستى. ونىڭ ىشىندە 284 ملن تەڭگە ءوز قالتاسىنان شىققان قاراجات بولسا، 146,5 ملن تەڭگە ەرىكتى اۋدارىمنان كەلگەن.

كەيىنگى كەزەكتە سالتانات تۇرسىنبەكوۆا تۇر. قازىر ونىڭ بيۋدجەتى 47 ملن تەڭگەدەن 247,8 ملن تەڭگەگە دەيىن ءوستى. ونىڭ ىشىندە ءوز قارجىسى – 23,4 ملن تەڭگە، ال 224,4 ملن تەڭگە — قايىرىمدىلىقتان تۇسكەن.

بەسىنشى ورىنعا نۇرلان اۋەسباەۆ جايعاستى. ونىڭ پارتياسى جسدپ ۇگىت-ناسيحاتقا 10 ملن تەڭگە ءبولدى.  تاعى 70 ملن-عا جۋىق تەڭگەنى وعان قازاقستاندىقتار ەرىكتى تۇردە اۋداردى. قازىر كانديداتتىڭ جالپى بيۋدجەتى 189 ملن تەڭگە.

سوڭعى ورىندا مەيرام قاجىكەن تۇر. ونىڭ بيۋدجەتى – 134,3 ملن تەڭگە, بارلىق قاراجات ەرىكتى اۋدارىمنان تۇسكەن.

(1-14 قاراشا ارالىعىنداعى دەرەكتەر)

Abai.kz

107 پىكىر