ون ايدا قازاقستان اۋماعىندا جالپى سوماسى 902,4 ملرد تەڭگە قۇرايتىن 88 064 تەحنيكا جاسالعان. ءوندىرىس كولەمى 2021 جىلعى قاڭتار-قازان ارالىعىنداعى كورسەتكىشتەن 23,6% - كە جوعارى، دەپ جازادى sputnik.kz.

قازاقستاندىق اۆتوبيزنەس قاۋىمداستىعى بەرگەن مالىمەت بويىنشا، قازان ايىندا 9 623 تەحنيكا ءوندىرىلدى، بۇل بىلتىر قازانداعى ناتيجەمەن سالىستىرعاندا 25,4% -كە كوپ.

بۇعان جەڭىل اۆتوموبيل ءوندىرىسىنىڭ ارتقانى سەبەپ بولعان، بيىل 80 251 (+29,9%) ماشينا ءوندىرىلدى. ودان بولەك ەلدەگى زاۋىتتار 5 916 دانا جۇك كولىگى، 552 تىركەمە مەن جارتىلاي تىركەمە جانە 363 باسقا ارنايى تەحنيكا ءوندىردى. ونىمدەرى قازاقستاندا شىعاتىن ەڭ تانىمال بەس برەند قاتارىندا Chevrolet (31 063 دانا), Hyundai (28 863 دانا), Kia (11 480 دانا), JAC (5 764 دانا) جانە Lada (4 872 دانا) بار. سۇرانىس جوعارى مودەلدەر – Chevrolet Cobalt, Hyundai Tucson جانە Chevrolet Nexia.

10 اي قورىتىندىسى بويىنشا قوستانايدا ورنالاسقان "سارىارقااۆتوپروم" ماماندارى جالپى قۇنى 463,2 ملرد تەڭگە بولاتىن 54 113 (+22,7%) تەحنيكا قۇراستىرىپ، رەكورد جاسادى.

الماتىداعى Hyundai Trans Kazakhstan باعاسى 395,9 ملرد تەڭگە قۇرايتىن 28 863 دانا جەڭىل كولىك شىعاردى. سەمەيلىك سەماز كليەنتتەرىنە 22,1 ملرد تەڭگە تۇراتىن 1 832 (-44,5%) كوممەرتسيالىق تەحنيكا جونەلتتى.

كوكشەتاۋداعى كاماز-ينجينيرينگ 986 (-20,2%) جۇك كولىگىن جاسادى. Hyundai Trans Auto زاۋىتى 858 (+34,7%) جۇك كولىگى مەن اۆتوبۋس قۇراستىردى. QazTehna مەن Daewoo Bus Kazakhstan سايكەسىنشە 309 جانە 167 اۆتوبۋس شىعارعان.

Abai.kz