قازاقستان Pfizer ۆاكتسيناسى جەتكىزىلەدى. ۆاكتسينا بارلىق ادامعا قولجەتىمدى بولادى. بۇل تۋرالى دەنساۋلىق ساقتاۋ ءمينيسترى اجار عينيات مالىمدەدى.

«قازىر قۇجاتتارعا قول قويىلىپ جاتىر، بىزگە گۋمانيتارلىق كومەك – Pfizer ۆاكتسيناسى كەلىپ جاتىر. مەنىڭ ويىمشا، كەلەسى اپتادا Pfizer ۆاكتسيناسىنىڭ قانشا دوزاسىن الاتىنىمىزدى حابارلايمىز، ول ۆاكتسينا العىسى كەلەتىن حالىقتىڭ بارلىق ساناتىنا بەرىلەدى»، - دەپ جاۋاپ بەردى اجار عينيات.

قازىر جاپپاي ۆاكتسينالاۋ بولماعاندىقتان، رەۆاكتسيناتسيا نەگىزىنەن بۋستەرلىك دوزالارمەن ء(بىر دوزا) جۇرەدى، سوندىقتان ەگۋ ناۋقانى نەگىزىنەن ەمحانالاردا ءوتىپ جاتىر.

«رەۆاكتسيناتسيا جۇرگىزۋ كەرەك. سەبەبى، قازىر الەمدە كوروناۆيرۋس جۇقتىرعىندار سانى ءوسىپ جاتىر. اسىرەسە، قىتاي، ازەربايجان، يزرايلدە جانە تاعى باسقا ەلدەردە ۆيرۋس جۇقتىرعاندار سانى كۇرت ءوستى. سوندىقتان ءبىز حالىققا رەۆاكتسيناتسيا كەرەك دەپ اقپارات تاراتىپ جاتىرمىز. ول ءۇشىن كوروناۆيرۋسقا قارسى ۆاكتسينالار بار. ادامدار ۆاكتسينا الماي تۇرىپ، پروفيلاكتيكالىق تەكسەرىس جۇرگىزىلەدى»، - دەدى دەنساۋلىق ساقتاۋ ءمينيسترى.

Abai.kz