«قاراعاندى-بالقاش» تاس جولىنىڭ قۇرىلىسىنىڭ قۇنى 128 ملرد تەڭگەگە ءوستى. بۇل تۋرالى سەنات دەپۋتاتتارىنىڭ ءاليحان سمايىلوۆتىڭ اتىنا جولداعان دەپۋتاتتىق ساۋالىندا ايتىلعان، دەپ جازادى Ulysmedia.kz.

سەناتور داۋرەن ادىلبەكوۆتىڭ سوزىنشە، حالىق قالاۋلىلارى «قاراعاندى-بالقاش» تاس جولىنىڭ قۇرىلىسىن قارجىلاندىرۋ ماسەلەسىنە الاڭداۋلى.

“بۇل تاس جولدى سالۋدىڭ جوبالىق-سمەتالىق قۇجاتتاماسى 2016-2017 جىلدارى جاسالعان. قۇرىلىس 2020 جىلى اياقتالۋى كەرەك ەدى. بۇل فاكتور، سونداي-اق جول-قۇرىلىس ماتەريالدارى باعاسىنىڭ كەيىننەن كۇرت وسۋىنە، ناقتىلاي ايتقاندا الدىن الا ەسەپتەۋلەر بويىنشا قۇرىلىس جۇمىستارى قۇنىنىڭ 128 ملرد تەڭگەگە وسۋىنە اكەلدى”، – دەيدى ول.

داۋرەن سونىمەن قاتار قازىردىڭ وزىندە جۇرگىزىلگەن جۇمىستاردىڭ ناتيجەسىنەن دە ايىرىلىپ قاۋپى جوعارى ەكەنىن اتاپ ءوتتى. مىسالى، قازىر اسفالت-بەتون جابىندىسىنىڭ تومەنگى قاباتى عانا توسەلگەن ۋچاسكەلەردە قوزعالىس اشىق تۇر. بۇل ونىڭ مىندەتتى تۇردە بۇزىلۋىنا، ياعني اسفالتتىڭ جوعارعى قاباتىن سالۋ كەزىندە پروبلەمالارعا اكەلىپ سوعادى.

دەپۋتاتتار قۇرىلىس جۇمىسىنىڭ بارىسىمەن جانە ۇسىنىلعان اقپاراتپەن جەرگىلىكتى جەردە تانىسقان كەزدە، جۇمىستىڭ 2023 جىلى جوسپارلانعان مەرزىمدە ءتيىستى ساپادا اياقتالۋى كۇمان تۋعىزدى.

Abai.kz