بۇگىن ۇلىتاۋ وبلىسىنىڭ اكىمى بولىپ بەرىك ابدىعاليۇلى قايتا تاعايىندالدى.

بەرىك ابدىعاليۇلى 1971 جىلعى 18 قىركۇيەكتە قاراعاندى وبلىسى جەزقازعان كەنتىندە دۇنيەگە كەلگەن. ساياساتتانۋ عىلىمدارىنىڭ كانديداتى.

2010 - 2012 جىلدارى – قاراعاندى وبلىسى ۇلىتاۋ اۋدانىنىڭ اكىمى، جەزقازعان قالاسىنىڭ اكىمى قىزمەتتەرىن اتقارعان. 2012 - 2013 جىلدارى – قوستاناي وبلىسى ارقالىق قالاسىنىڭ اكىمى، 2013 جىلى – قاراعاندى وبلىسى اكىمىنىڭ ورىنباسارى بولادى. 2019 - 2021 جىلدارى قايتادان قاراعاندى وبلىسى ۇلىتاۋ اۋدانىنىڭ اكىمى بولىپ ىستەيدى.

2021 - 2022 جىلدارى – VII شاقىرىلىمداعى قازاقستان رەسپۋبليكاسى پارلامەنتى ءماجىلىسىنىڭ دەپۋتاتى. 2022 جىلدىڭ ماۋسىم ايىنان باستاپ ۇلىتاۋ وبلىسىنىڭ اكىمى قىزمەتىن اتقارىپ كەلەدى.

سونداي-اق بۇگىن باتىس قازاقستان وبلىسىنىڭ اكىمى بولىپ ناريمان تورەعاليەۆ تاعايىندالدى.

ول 1964 جىلى 19 شىلدە كۇنى باتىس قازاقستان وبلىسىنىڭ اقجايىق اۋدانى ەسەنساي اۋىلىندا تۋعان. ەكونوميكا عىلىمدارىنىڭ ماگيسترى، زاڭگەر. 2012-2015 جىلدارى باتىس قازاقستان وبلىسى اقجايىق اۋدانىنىڭ اكىمى، 2015-2016 جىلدارى باتىس قازاقستان وبلىسى اكىمىنىڭ ورىنباسارى، 2016-2017 جىلدارى ورال قالاسىنىڭ اكىمى قىزمەتتەرىن اتقارعان. بۇعان دەيىن قازاقستان رەسپۋبليكاسى پارلامەنتى سەناتىنىڭ دەپۋتاتى بولدى.

Abai.kz