جەكسەنبى, 5 اقپان 2023
508 2 پىكىر 7 جەلتوقسان, 2022 ساعات 12:10

پەتيتسيا بەرۋ مەن قاراۋدىڭ ءتارتىبى وزگەرەدى

بۇل تۋرالى اقپارات جانە قوعامدىق دامۋ ءمينيسترى دارحان قىدىرالى ايتتى.

«پەتيتسيانى قاراۋ بارىسىندا مەملەكەتتىك ورگان پەتيتسيا اۆتورىن شاقىرىپ، حاباردار ەتە وتىرىپ، مەملەكەتتىك ورگان شەشىمىنىڭ جوباسىن جاريا تالقىلاۋدى ۇيىمداستىرىپ، جەكە كوميسسيا نەمەسە جۇمىس توبىن قۇرادى. مۇنداي شارالار پەتيتسيالاردىڭ قوعامدىق مارتەبەسى مەن ماڭىزىن ارتتىرۋعا مۇمكىندىك بەرەدى. پەتيتسيا بويىنشا شەشىمدى مەملەكەتتىك ورگاننىڭ ءبىرىنشى باسشىسى عانا قابىلدايدى»، - دەدى ۆەدومستۆو باسشىسى.

ونىڭ ايتۋىنشا، پەتيتسيا بەرىلگەن كۇننەن باستاپ 20 جۇمىس كۇنى ىشىندە وعان كەمىندە ەلىمىزدىڭ 150 ازاماتىنىڭ قوسىلۋى قاجەت. بۇنداي تاجىريبە پەتيتسيا ينستيتۋتى قۇرىلعان بىرقاتار ەلدە (اقش، وزبەكستان جانە ت.ب.) قولدانىلادى.

پەتيتسيانى مىندەتتى تۇردە قاراۋ ءۇشىن ونى قولدايتىن داۋىستاردىڭ مىناداي شەكتى ماندەرى بار:

- اۋداندىق دەڭگەي (اكىمدىكتەر) حالقى 50 مىڭنان اساتىن بولسا، 2,5 مىڭ داۋىس، قالعاندارى ءۇشىن حالىق سانىنىڭ كەمىندە 5 %-ى بولۋى كەرەك.

- اۋداندىق دەڭگەي ء(ماسليحاتتار) – حالقى 50 مىڭنان اساتىن بولسا، 5 مىڭ داۋىس، قالعاندارى ءۇشىن حالىق سانىنىڭ كەمىندە 10 %-ى;

- وبلىستىق دەڭگەي (اكىمدىكتەر) – ءتيىستى اكىمشىلىك-اۋماقتىق بىرلىكتىڭ تۇرعىندارىنىڭ 1% داۋىسى;

- وبلىستىق دەڭگەي ء(ماسليحاتتار) – ءتيىستى اكىمشىلىك-اۋماقتىق بىرلىك حالقىنىڭ كەمىندە 2 %-ى;

- رەسپۋبليكالىق دەڭگەي (ۇكىمەت) – كەمىندە 50 مىڭ داۋىس.

 

Abai.kz

2 پىكىر