ۇكىمەت سۇيىتىلعان گاز باعاسىن مەملەكەتتىك رەتتەۋ مەرزىمىن تاعى التى ايعا ۇزارتۋعا شەشىم قابىلادى، دەپ حابارلادى باسەكەلەستىكتى قورعاۋ جانە دامىتۋ اگەنتتىگى.

قازىرگى كەزدە پارلامەنتتە زاڭ جوباسى اياسىندا سۇيىتىلعان مۇناي گازىن بولشەك ساۋدادا وتكىزۋگە شەكتى باعا بەلگىلەۋ بويىنشا ۋاكىلەتتى ورگانعا قۇزىرەت بەرۋ ماسەلەسى قاراستىرىلىپ جاتىر.

مەملەكەتتىك رەتتەۋدى ساقتاۋ ماقساتىندا بۇعان دەيىنگى بۇيرىقتىڭ مەرزىمىن ۇزارتۋ ۇسىنىلدى.

بۇيرىق جوباسىنا سايكەس، قازاقستان اۋماعىنداعى اۆتوگاز قۇيۋ ستانتسيالارىندا سۇيىتىلعان مۇناي گازىن بولشەك ساۋدادا وتكىزۋگە ۋاقىتشا مەملەكەتتىك رەتتەۋدى 2023 جىلدىڭ 30 ماۋسىمىنا دەيىن ۇزارتۋ كوزدەلىپ وتىر.

Abai.kz