كونستيتۋتسيادان تۇڭعىش پرەزيدەنت تۋرالى نورمالار الىنعاننان كەيىن ول زاڭ ءىس جۇزىندە كۇشىن جويدى. بۇل تۋرالى قر ادىلەت ءمينيسترى قانات مۋسين ايتتى، دەپ حابارلايدى قازاقپارات ءتىلشىسى.

پارلامەنت پالاتالارىنىڭ بىرلەسكەن وتىرىسىنان كەيىن باق وكىلدەرى مينيستردەن «تۇڭعىش پرەزيدەنت تۋرالى زاڭ قاشان كۇشىن جويادى؟» دەپ سۇراعان ەدى.

«زاڭ پارلامەنتكە ەنگىزىلگەننەن كەيىن قارالادى. ونىڭ قاشان ەنگىزىلەتىنىن ايتا المايمىن. زاڭ تۋرالى باستاما كوتەرەتىن ءۇش سۋبەكتى بار: پرەزيدەنت نەمەسە ۇكىمەت نە پارلامەنت دەپۋتاتتارىنىڭ وزدەرى. قازىر جۇمىس جاساپ جاتىرمىز. ول زاڭنان باسقا دا زاڭدار بار. حالىقتىڭ ءال-اۋقاتىن كوتەرۋ كەرەك. ەڭ ءبىرىنشى قارالاتىن ماسەلە سول عوي. ۋاقىتى كەلگەندە قابىلدايمىز. كونستيتۋتسيادان تۇڭعىش پرەزيدەنت تۋرالى نورمالار الىنعاننان كەيىن ول زاڭ ءىس جۇزىندە كۇشىن جويدى. سوندىقتان ونى فورمالدى تۇردە كۇشى جويىلدى دەپ قاۋلى قابىلداۋ ءۇشىن زاڭ دايىنداۋ كەرەك»، - دەدى ول.

سونىمەن قاتار قانات مۋسين كونستيتۋتسياعا ەنگىزىلگەن وزگەرىستەر تولىق كۇشىنە ەنگەنىن اتاپ ءوتتى.

Abai.kz