تاراز قالاسىنىڭ اكىمدىگى جاڭا جىل مەرەكەسىنە وراي قالانى بەزەندىرۋگە 19 ملن 150 مىڭ تەڭگە جۇمساماق. بۇل تۋرالى تاراز قالاسى اكىمدىگىنىڭ ءباسپاسوز قىزمەتى مالىمدەدى.

«شىرشالاردىڭ ءبىرى قر تۇڭعىش پرەزيدەنتى ساياباعىنىڭ اۋماعىنا، ەكىنشىسى «كونە تاراز» تاريحي-ەتنومادەني ورتالىعىنا قويىلادى. قازىرگى ۋاقىتتا بۇل اۋماقتاردا جاڭا جىلدىق بەزەندىرۋ جۇمىستارى جۇرگىزىلىپ جاتىر. بۇل ماقساتتارعا قالا بيۋدجەتىنەن 19 ملن 150 مىڭ تەڭگە قاراستىرىلعان»، - دەدى قالا اكىمدىگى ءباسپاسوز قىزمەتىنىڭ جەتەكشىسى داۋلەت تولەندى.

ۆەدومستۆو دەمەۋشىلىك قاراجات ەسەبىنەن ەرەكشە قاجەتتىلىگى بار تارازدىق 2 225 بالاعا ارنايى مەرەكەلىك سىيلىق بەرىلەتىنىن، قارجىلاندىرۋ كولەمى شامامەن 5 ميلليون تەڭگەنى قۇرايتىنىن اتاپ ءوتتى.

Abai.kz