پاۆلودار وبلىسى اكىمىنىڭ ءبىرىنشى ورىنباسارى ولەگ كرۋك وتستاۆكاعا كەتتى. ول اسايىن بايحانوۆ تاعايىندالعانعا دەيىن وبلىس اكىمىنىڭ مىندەتىن ۋاقىتشا اتقارعان بولاتىن.

پاۆلودار وبلىسى اكىمىنىڭ ءباسپاسوز قىزمەتىنەن ءمالىم ەتكەندەي، ولەگ كرۋك ءوز ءوتىنىشى بويىنشا قىزمەتىنەن بوساتىلدى. ول ەنەرگەتيكا، تۇرعىن ءۇي-كوممۋنالدىق شارۋاشىلىعى جانە قۇرىلىس ماسەلەلەرىنە جەتەكشىلىك ەتكەن بولاتىن. بۇعان دەيىن حابارلاعانىمىزداي، ونىڭ ورنىنا حاسار حابىلبەكوۆ تاعايىندالدى.

ەسكە سالساق، 27 قاراشادا ەكىباستۇز جىلۋ ەلەكتر ورتالىعىندا اپات بولىپ، قالا تۇرعىندارى جىلۋسىز قالدى. 28 قاراشا كۇنى تاڭەرتەڭ قالادا جەرگىلىكتى اۋقىمداعى توتەنشە جاعداي جاريالاندى.

1 جەلتوقسان كۇنى ابىلقايىر سقاقوۆ پاۆلودار وبلىسىنىڭ اكىمى لاۋازىمىنان بوساتىلىپ، مەملەكەت باسشىسىنىڭ جارلىعىمەن ولەگ كرۋك وبلىس اكىمىنىڭ ۋاقىتشا مىندەتىن اتقارۋشى لاۋازىمىنا تاعايىندالعان ەدى.

7 جەلتوقساندا مەملەكەت باسشىسىنىڭ جارلىعىمەن پاۆلودار وبلىسىنىڭ اكىمى لاۋازىمىنا اسايىن قۋاندىقۇلى بايحانوۆ تاعايىندالدى.

Abai.kz