اسكەري قىزمەت بارىسىندا باسشىعا قارسىلىق تانىتقان نەمەسە دەنساۋلىعىنا زيان كەلتىرگەندەر 4 جىلعا دەيىن باس بوستاندىعىنان ايىرىلۋى مۇمكىن. بۇل تۋرالى اشىق تالقىعا شىعارىلعان «قر كەيبىر زاڭنامالىق اكتىلەرىنە قىلمىستىق، قىلمىستىق-پروتسەستىك جانە قىلمىستىق-اتقارۋ كودەكستەرىن وڭتايلاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىندا جازىلعان.

«باستىققا، سول سياقتى وزiنە جۇكتەلگەن اسكەري قىزمەت مiندەتىن ورىندايتىن وزگە ادامعا قارسىلىق كورسەتۋ نەمەسە ونى وسى مiندەتتەردi بۇزۋعا كۇش قولدانۋ نەمەسە ونى قولدانۋ قاتەرىن ءتوندىرۋ ارقىلى ماجبۇرلەۋ - 200 ايلىق ەسەپتiك كورسەتكiشكە دەيiنگi مولشەردە ايىپپۇل سالۋعا نە سول مولشەردە تۇزەۋ جۇمىستارىنا نە 50 تاۋلiككە دەيiنگi مەرزiمگە قاماققا الۋعا جازالانادى. ال وسىنداي ارەكەتتەر ارقىلى باسشىنىڭ دەنساۋلىعىنا ورتاشا اۋىرلىقتاعى زيان كەلتىرسە، وندا كىنالى 4 جىلعا دەيىن باس بوستاندىعىنان ايىرۋ جازاسىمەن جازالانادى»، - دەلىنگەن جاڭا رەداكتسيادا.

سونىمەن قاتار، جاڭا وزگەرىسكە ساي، اسكەري قىزمەتتى اتقارۋ كەزىندە باستىققا زورلىق-زومبىلىق كورسەتكەندەرگە دە ءدال وسىنداي جازا قولدانىلادى. قازىرگى زاڭنامادا مۇنداي نورمالار جوق.

قۇجات 23 قاڭتارعا دەيىن اشىق تالقىلاۋدا بولادى.

Abai.kz