ءتورت وبلىستا جولدار جابىلدى
«قازاۆتوجول» ۇلتتىق كومپانياسى 4 وبلىستىڭ 7 ۋچاسكەسىندە جول جابىلعانىن مالىمدەدى.
«13 قاڭتار كۇنى ساعات 11.15-تەگى اقپاراتقا سايكەس 4 وبلىستا اۋا رايىنىڭ ناشارلاۋىنا بايلانىستى (بوران، كورىنۋدىڭ شەكتەلۋى، تەمپەراتۋرانىڭ تومەندەۋى) رەسپۋبليكالىق ماڭىزى بار اۆتوجولداردىڭ 7 ۋچاسكەسىندە قوزعالىسقا ۋاقىتشا شەكتەۋ ەنگىزىلدى.
اۆتوجولداردى تازارتۋ ءۇشىن 250 بىرلىك جول-پايدالانۋ تەحنيكاسى جانە 350-دەن استام قىزمەتكەر جۇمىلدىرىلدى. 900 تەكشە مەتر كوكتايعاققا قارسى ماتەريال قولدانىلدى»، - دەپ جازدى ۆەدومستۆودان.
Abai.kz
