«راحات اليەۆ ۇرەيلەنىپ وتىر». بۇل ءسوزدى باسقا ەمەس، ەلباسىمىزدىڭ ءوزى ايتقان بولاتىن. «راحات اليەۆ ۇرەيلەنىپ وتىر، - دەدى پرەزيدەنت. - ونىڭ جاساعان ىستەرىن قوعامعا جاريا ەتۋىمىز كەرەك. قوعامنىڭ كوزىن جەتكىزۋىمىز كەرەك». راس، راحات اليەۆتىڭ لاڭىن ەل ءبىلۋى ءتيىس. بىراق، ءابىلماجىن عىلىموۆ بولماعاندا ول باياعى تايراڭىنان تايماي، سايرانىن سالىپ جۇرە بەرەتىن ەدى.

«راحات اليەۆ ۇرەيلەنىپ وتىر». بۇل ءسوزدى باسقا ەمەس، ەلباسىمىزدىڭ ءوزى ايتقان بولاتىن. «راحات اليەۆ ۇرەيلەنىپ وتىر، - دەدى پرەزيدەنت. - ونىڭ جاساعان ىستەرىن قوعامعا جاريا ەتۋىمىز كەرەك. قوعامنىڭ كوزىن جەتكىزۋىمىز كەرەك». راس، راحات اليەۆتىڭ لاڭىن ەل ءبىلۋى ءتيىس. بىراق، ءابىلماجىن عىلىموۆ بولماعاندا ول باياعى تايراڭىنان تايماي، سايرانىن سالىپ جۇرە بەرەتىن ەدى.

ءبارىمىزدىڭ ەسىمىزدە شىعار، «استانا» ارناسى تەرگەۋدە جاتقان «نۇربانكتىڭ» توپ-مەنەدجەرى ءابىلماجىن عىلىموۆتىڭ شىندىعىن تىكەلەي ەفيردە جاريالاپ جىبەرگەن بولاتىن. ساعاتقا سوزىلعان اشىق ەفيردە ءابىلماجىن عىلىموۆ شىڭعىرىپ شىڭىراۋعا كەتۋى ابدەن مۇمكىن شىندىقتى جاريا ەتتى. سودان كەيىن بارىپ ول باسىنا ازاتتىق الىپ، جولداس تەمىراليەۆ پەن ايبار حاسەنوۆكە ىزدەۋ جاريالاندى. قىسقاسى، راحات اليەۆ جالپاق جۇرتقا جاريا ەتىلگەن ءوزى تۋرالى شىندىقتان ۇرەيلەنىپ قاشتى. ايتپەسە ونىڭ الەگى مەن الەمەتى تاۋسىلماس ەدى. تالاي بوزداق جازىقسىز جاپا شەگىپ، تۇرمەلەردە ءشىريتىن ەدى. تالاي جاننىڭ تالەيىنە تار سوقپاقتى تاعدىر بۇيىرار ەدى. وسى اليەۆتىڭ استىرتىن ارەكەتىن پرەزيدەنتكە ايتامىز دەپ «جاستۇرىكتەردىڭ» ءبىردى-ەكىسى سوتتالىپ تا كەلدى. قىزمەتتەرىنەن ايرىلدى. وپپوزيتسيا قاتارىنا ءوتتى. اجال قۇشتى. قوعامنىڭ ساياسي ويىنا بۇعاۋ سالىندى. ەل ءىشىن قورقىنىش جايلادى. ايتكەنمەندە اليەۆفوبياسىنان ءالى ارىلىپ بولعان جوقپىز. اليەۆ باتىسقا بوي تاسالاپ كەتكەنىمەن باس-اياعى جۇمباق توسىن وقيعالار لەگى بۇرىنعىسىنشا جالعاسىپ جاتىر. سونىڭ ءبىرى ۇقك شەكارا قىزمەتى اكادەمياسىنىڭ باستىعى گەنەرال-مايور تالعات ەسەتوۆتىڭ  ءولىمى بولىپ تۇر. ەسەتوۆ «وزىنە ءوزى قول جۇمساپ جان كەشەتىن ادام ەمەس ەدى» دەيدى بىلەتىندەر. بىراق ول جەلتوقسان ايىنىڭ سوڭىن الا شىمكەنت قالاسىنىڭ ماڭىندا قۇلاعان ۇشاقتىڭ تەحنيكالىق اقاۋىنا قاتىستى ادام دەسەدى جانە بىرەۋلەر. ماسەلەنىڭ بەتى بۇركەمەلەنگەن سايىن وسىنداي بولجامداردىڭ كوبەيەتىنى زاڭدى. ەندى ءبىر سوزگە قۇلاق تۇرسەك، ەسەتوۆ سوڭىنا قۇپيا حات قالدىرىپ كەتكەنگە ۇقسايدى. بار شىندىق وسى حاتتا كورىنەدى. امال كەم، ەگەر حات جازىپ قالدىرعانى راس بولسا، مارقۇمنىڭ  تىعىرىقتان شىعار جول تاپپاعاندىعى عوي. الايدا ول ءباسپاسوز ارقىلى قانداي ءىستىڭ بولسادا اق-قاراسىن ايتۋعا، جازۋعا قاقىلى ءام ەرىكتى ەدى. اليەۆكە قاتىستى اڭگىمەمىزدە ءابىلماجىننىڭ ەرلىگىنەن ەسكە العانىمىزدىڭ سەبەبى ەندى تۇسىنىكتى بولعان شىعار دەيمىز. ءبىزدىڭ جۇرت ءباسپاسوز دەگەن الەمنىڭ وسىنشالىقتى پارمەندى ەكەندىگىن شىن مانىندە تەرەڭ ءتۇسىنىپ، قابىلداي بەرمەيدى. «قويشى سول گازەتىڭ مەن ينتەرنەتىڭدى، تەلەكانال مەن راديوڭدى، ايتادى، جازادى. ودان تۇك وزگەرمەيدى» دەپ قولدى ءبىر-اق سىلتەيدى. قالا بەردى «ءبىزدىڭ جۋرناليستەر شىندىقتى جازا المايدى» دەگەن شولاق بايلاممەن اڭگىمەگە نۇكتە قويادى. سولايى سولاي شىعار، بىراق باسپاسوزبەن بايلانىس جاساي وتىرىپ قوعامدى ىعىندا ۇستاۋ مۇمكىندىگىن الاش بالاسى ەندى بەك ۇعىنۋى كەرەك. حالىقتىڭ كۇشى - ءباسپاسوز بەتىندەگى ەركىندىك پەن ازات ويدا. ءسوز بوستاندىعى ءۇشىن كۇرەسۋ جۋرناليستەردىڭ كاسىبي مىندەتى دەسەكتە،  ەلدىڭ ەرىك-جىگەرى مەن رۋحى ىقپال ەتكەن جاعدايدا عانا  ءسوز بوستاندىعى ءسوز بوستاندىعى بولا الادى.

ال ەندى كەشەلى-بەرگى اليەۆكە قاتىستى ءسوزدى ءبىز «تاعدىر» قورىنىڭ تاباندى جۇمىسىنىڭ العاشقى ناتيجەسى دەر ەدىك. ويتكەنى اتالعان قور جەتەكشىلەرىنىڭ ءبىرى ارمانگۇل قاپاشەۆا باستاعان توپ اۆسترياعا تالاي باردى. زار مۇڭدارىن ايتتى.  كارىم ءماسىموۆ ۇكىمەت باسشىسى بولىپ تۇرعان كەزدە اۆستريا ەلiنiڭ ادiلەت مينيسترi كلاۋديا بانديون-ورتنەردiڭ اتىنا راحات اليەۆتiڭ باس قاۋiپسiزدiگi تولىق ساقتالاتىنى جونiندە كەپiلدەمە حات جiبەرگەن بولاتىن. بىراق ءبىر ەلدىڭ پرەمەر-ءمينيسترى جازعان حاتقا ءبىر ەلدىڭ قاتارداعى ءمينيسترى «ءاۋ» دەگەندە جوق. ايتسەدە مىنە، «تاعدىر» قورىنىڭ اۆسترياداعى قورعاۋشىسى گابريەل لانسكي دەيتىن كىسى كەلىپ اليەۆ ىسىنە قاتىستى اۆستريانىڭ جەر سوتى ماسەلە قوزعايتىندىعىن حابارلاپ كەتتى. بۇل جايت اليەۆتىڭ ۇرەيىن بۇرىنعىسىنان ءارى ۇشىرا تۇسكەن شىعار دەپ ويلايمىز.

Abai.kz