قازاقستاندىق بياتلونشى بەكەنتاي تۇرلىبەكوۆ اقش-تىڭ لەيك-پلەسيد قالاسىندا ءوتىپ جاتقان قىسقى ۋنيۆەرسيادادا 10 شاقىرىمعا سپرينت جارىسىندا چەمپيون اتاندى.

جارىس بارىسىندا ول ەكى اتىس سىزىعىندا بىردە-ءبىر وقتى بوس جىبەرگەن جوق. ناتيجە كورسەتكەن ۋاقىتى- 27:51,5. وسىلايشا قازاقستاندىق بياتلونشى ەل قۇراماسىنا ءۇشىنشى التىندى سالدى.

اتالعان جارىستا ەكىنشى ورىن بورن ۋەستەرۆەلتكە بۇيىرسا، ۇزدىك ۇشتىكتى قازاقستاندىق تاعى ءبىر بياتلونشى الەكساندر مۋحين ەنشىلەدى.

ناتيجەسىندە اتالعان سايىستا ەل قۇراماسى ءبىر التىن، ءبىر قولا مەدال الدى.

ەسكە سالساق، بۇعان دەيىن بياتلونشى ۆاديم كۋرالەس پەن شاڭعىمەن سەكىرۋ سپورتىنان دانيل ۆاسيلەۆ چەمپيون اتاندى.

وسىلايشا مەدالدار كەستەسىندە قازاقستاندىق سپورتشىلار 3 التىن، 1 قولا جۇلدەمەن ءۇشىنشى ورىنعا كوتەرىلدى. جاپونيا جانە فينليانديا قۇرامالارى الدا كەلەدى.

Abai.kz