سىبايلاس جەمقورلىققا قارسى ءىس-قيمىل اگەنتىگىنىڭ قىزمەتكەرلەرى پارا الدى دەپ كۇدىكپەن ۇستاعان ادام قورعانىس مينيسترلىگىندە ىستەمەيدى. بۇل تۋرالى قر قورعانىس مينيسترلىگىنىڭ باسپاسوز قىزمەتى مالىمدەدى.

«سىبايلاس جەمقورلىققا قارسى قىزمەت وكىلدەرى پارا الدى دەگەن كۇدىكپەن قورعانىس مينيسترلىگى اقپاراتتىق تەحنولوگيالار دەپارتامەنتى باستىعىنىڭ مىندەتىن ۋاقىتشا اتقارۋشى، ازاماتتىق قىزمەتشىنى ۇستادى. اتالمىش ازامات بۇعان دەيىن قورعانىس ۆەدومستۆوسىنان جۇمىستان شىعارىلعان.

قر قاپك-ءنىڭ 201-بابىنا سايكەس تەرگەۋ مۇددەسى ءۇشىن وزگە اقپارات جاريالاۋعا جاتپايدى. اسكەر ومىرىندە جەمقورلىقتى جويۋ ءۇشىن قورعانىس مينيسترلىگى مەملەكەتتىك ورگاندارمەن بىرلەسە وتىرىپ كەز كەلگەن جەمقورلىق قۇقىقبۇزۋشىلىعىن بولدىرماۋ ماقساتىندا جوسپارلى جۇمىس جۇرگىزىپ كەلەدى»،-دەلىنگەن حابارلامادا.

وسىعان دەيىن قورعانىس مينيسترلىگى دەپارتامەنتىنىڭ باسشىسى پارا الدى دەگەن كۇدىككە ءىلىنىپ، تەرگەلىپ جاتقانى ايتىلعان بولاتىن.

Abai.kz