يتاليادا كولىك قاعىپ كەتكەن قازاقستاندىقتىڭ مۇردەسىن ەلگە جەتكىزۋگە مەملەكەت قارجى بولەدى. بۇل تۋرالى ەلوردادا وتكەن ءباسپاسوز ءماسليحاتىندا سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى.

«شەتەلدە قيىن جاعدايعا تاپ بولعان ەلىمىزدىڭ ازاماتتارىنا كومەك كورسەتۋ ماقساتىندا سىرتقى ىستەر مينيسترلىگىندە ءتيىستى قاراجات قاراستىرىلعان. وسى ورايدا قازاقستان ازاماتتارىنا قاتىستى شىعىنداردى مەملەكەت وتەيدى. جاقىندا يتاليادا ءبىزدىڭ ەلدىڭ ازاماتىن كولىك قاعىپ كەتىپ مەرت بولدى. بۇل قايعىلى وقيعا بويىنشا تۋىستارى بىزگە ءوتىنىش جاساعان بولاتىن. قازىر مارقۇمنىڭ مۇردەسىن قازاقستانعا جەتكىزۋگە قاراجات ءبولىنىپ جاتىر. بۇل تۇرعىدا ءتيىستى قۇجاتتار راسىمدەلەدى»، - دەدى ا. سمادياروۆ.

ايتا كەتەيىك، جاقىندا يتاليانىڭ سالەرنو قالاسىندا 27 جاستاعى اسەم جاربوسىندى كولىك قاعىپ، قازا تاپتى.

اتالعان ەلدىڭ جەرگىلىكتى باق تاراتقان مالىمەتىنە سايكەس، قايعىلى وقيعا سالەرنو قالاسىندا بولعان. 17 قاڭتار كۇنى Peugeo كولىگىن باسقارعان 20 جاستاعى جۇرگىزۋشى دجۋزەپپە ۆەردي وپەرا تەاترى ماڭىنداعى جاياۋ جۇرگىنشىلەر جولىندا ستۋدەنتتى قاعىپ كەتكەن.

Abai.kz