كاسىپكەر وريفجان شاديەۆ ۇلتتىق بانككە 15 ملرد تەڭگەدەن استام قاراجاتتى قايتارادى. بۇل تۋرالى باس پروكۋراتۋرانىڭ ءباسپاسوز قىزمەتى حابارلادى.

«پروكۋرورلاردىڭ اكتىلەرىمەن وليگوپولياعا زاڭسىز بەرىلگەن مۇلىك مەملەكەتكە قايتارىلدى، بيزنەستىڭ مۇددەلەرى مەن ازاماتتاردىڭ قۇقىقتارى قورعالدى. ماسەلەن، باس پروكۋروردىڭ 18 نارازىلىعى بويىنشا مەملەكەتكە ماگيسترالدىق تەمىرجولدار قايتارىلدى، 21,1 ملرد تەڭگەگە بيۋدجەت شىعىندارىنىڭ الدى الىندى. پروكۋراتۋرانىڭ ارالاسۋىنان كەيىن جوعارعى سوت بيزنەسمەن و.ك. شاديەۆتى 15 ملرد تەڭگەدەن استام قارىز سوماسىن ۇلتتىق بانككە قايتارۋعا مىندەتتەدى»، - دەپ حابارلايدى قۇزىرلى ۆەدومستۆو.

Abai.kz