استانا-توكيو تىكەلەي اۋە رەيسى قايتا اشىلۋى مۇمكىن. بۇل تۋرالى قر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى.

«سىرتقى ىستەر مينيسترلىگى ەلشىلىگىمىز ارقىلى اۋە رەيسىن قايتا قالپىنا كەلتىرۋ نەمەسە جاڭا باعىتتاردى اشۋ بويىنشا كەلىسسوز جۇرگىزۋ ۇستىندە. ارينە، ءبىز وسىنداي تانىمال رەيستەردى قايتا اشۋعا مۇددەلىمىز. وكىنىشكە قاراي، قازىر ناقتى ەشتەڭە ايتا المايمىن. ويتكەنى، جاپون تاراپىمەن كەلىسسوز ءجۇرىپ جاتىر»، - دەپ توقتالدى ايبەك سمادياروۆ.

ۆەدومستۆونىڭ رەسمي وكىلى پاندەميا كوپتەگەن ەلدەردىڭ جوسپارىنا وزگەرىس ەنگىزگەنىن اتاپ ءوتتى.

سوندىقتان قازىر بۇرىن باستالعان كەلىسسوزدى قايتا جالعاستىرۋ جۇمىستارى جۇرگىزىلىپ جاتىر.

Abai.kz