اقش قارجى مينيسترلىگى رەسەيلىك سبەردىڭ قازاقستانداعى بۇرىنعى ەنشىلەس بانكى "بەرەكە بانكىدەن" (Bereke Bank) سانكتسيانى الىپ تاستايدى. سەبەبى، اتالعان قارجى ۇيىمى قازىر قازاقستاندىق كومپانياعا تيەسىلى جانە وعان رەسەيلىك "سبەر" جەتەكشىلىك ەتپەيدى. بۇل جونىندە The Wall Street Journal جازدى.

بانكتى سانكتسيا تىزىمىنەن الۋ تۋرالى شەشىم 6 ناۋرىزدا كۇشىنە ەنەدى.

امەريكا قارجى مينيسترلىگىنىڭ مالىمەتىنشە، "سبەردىڭ" قازاقستانداعى بۇرىنعى ەنشىلەس بانكى قازىر قازاقستانداعى ءىرى قارجى مەكەمەلەرىنىڭ ءبىرى جانە ەلدىڭ قارجى سەكتورى ءۇشىن ماڭىزدى ءرول اتقارادى.

اقش قارجى مينيسترلىگى بىلتىر قىركۇيەك ايىندا قازاقستانداعى اتالعان بانكتىڭ يەسى - "بايتەرەك" حولدينگىنەن مەكەمەنى سانكتسيا تىزىمىنەن الىپ تاستاۋ تۋرالى ءوتىنىش العان. اقش قارجى مينيسترلىگىنىڭ حابارلاۋىنشا، Bereke Bank سونىمەن بىرگە سانكتسيامەن تىيىم سالىنعان ارەكەتپەن اينالىسپايتىنىن جانە قاجەت جاعدايدا اقش كونگرەسىنە قاجەتتى اقپاراتتى بەرەتىنىن ايتقان.

Abai.kz