پرەزيدەنتى قاسىم-جومارت توقاەۆ تۇركياداعى جويقىن جەر سىلكىنىسىنىڭ سالدارىن جويۋعا قۇتقارۋشىلاردىڭ تاعى ءبىر بورتىن جىبەرۋگە تاپسىرما بەردى. بۇل تۋرالى قر پرەزيدەنتىنىڭ ءباسپاسوز قىزمەتى حابارلادى. 

توتەنشە جاعدايلار مينيسترلىگىنىڭ مالىمەتىنشە، ەكىنشى ەشەلوننىڭ قۇرامىندا 60 ادام ەندى. ولاردىڭ ىشىندە قۇتقارۋشىلار، اپاتتار مەديتسيناسى ورتالىعىنىڭ دارىگەرلەرى مەن كينولوگتار بار.

قۇتقارۋشىلاردىڭ ەكىنشى توبى 150-گە جۋىق اپاتتىق-قۇتقارۋ قۇرالدارىن جانە 160-تان استام ءدارى-دارمەك ءتۇرىن جەتكىزەدى.

وسىلايشا، گازيانتەپ قالاسىنداعى ىزدەستىرۋ-قۇتقارۋ جۇمىستارىنا قوسىلاتىن قازاقستاندىق قۇتقارۋشىلاردىڭ جالپى سانى 100 ادامعا جەتەدى.

Abai.kz