شىعىس قازاقستان وبلىسىنىڭ ريددەر قالاسىنداعى جىلۋ ەلەكتر ورتالىعىندا تاعى دا اپات بولدى.

قالا اكىمدىگىنىڭ مالىمەتىنە سۇيەنسەك، جىلۋ ەلەكتر ورتالىعىنداعى اپات 28 اقپاندا ساعات 3.45-تە بولعان.

«№1 جانە №2 قازاندىق اپاتتىق جاعدايدا ءوشىرىلدى. ال، سول ۋاقىتتا №3 جانە №4 قازاندىق قانا جۇمىس ىستەپ تۇردى. قازىر №2 قازاندىقتى جوندەۋ جۇمىستارى اياقتالىپ، ول ىسكە قوسىلدى. №1 قازاندىق تا قالىپقا كەلتىرىلىپ، قوسىلۋعا دايىندالىپ جاتىر»، - دەيدى شاھار باسشىسى دميتري گوركوۆوي.

ەسكە سالساق، 5 قاراشا كۇنى ساعات 20:00-دە ريددەردەگى جەو-دا كۇل شىعارۋ جۇيەسىندەگى سورعى ىستەن شىعىپ، №1 قازاندىق اگرەگاتىنىڭ قوسالقى جابدىعى اپاتتى جاعدايدا اجىراتىلعان بولاتىن. سونىڭ سالدارىنان 22 مىڭنان استام ابونەنت ءۇشىن جىلۋ بەرۋ ازايتىلدى.

ريددەر تۇرعىندارى جەو-نى كوممۋنالدىق مەنشىككە قايتارۋ تۋرالى پەتيتسيا جازدى.

قاڭتار ايىنىڭ اياعىندا ورتالىق يەسىنىڭ اۋىسقانى بەلگىلى بولدى.

16 اقپان كۇنى ريددەردەگى توتەنشە جاعداي رەجيمى الىنىپ تاستالعان بولاتىن.

Abai.kz