سوت ءىسى «قۇپيا» دەگەن ساناتپەن جۇرگىزىلگەن.

«م. بەكتانوۆ قازاقستان رەسپۋبليكاسى قىلمىستىق كودەكسىنىڭ 451-بابىنىڭ 3-بولىگى بويىنشا 24.02.2023 جىلعى قىلمىستىق ىستەر جونىندەگى مامانداندىرىلعان اۋدانارالىق اسكەري سوتىنىڭ ۇكىمىمەن سوتتالدى، وعان ەڭ جوعارى قاۋىپسىزدىك قىلمىستىق-اتقارۋ جۇيەسى مەكەمەسىندە جازاسىن وتەي وتىرىپ، 12 جىل مەرزىمگە باس بوستاندىعىنان ايىرۋ تۇرىندەگى جازا تاعايىندالدى»، - دەپ حابارلادى قىلمىستىق ىستەر جونىندەگى مامانداندىرىلعان اۋدانارالىق اسكەري سوتى.

ەستەرىڭىزگە سالا كەتەيىك، قورعانىس مينيسترلىگىنىڭ بۇرىنعى باسشىسىنا قاتىستى تەرگەۋ 2022 جىلدىڭ 19 اقپانىندا «قىزمەتتەگى ارەكەتسىزدىك فاكتىسى بويىنشا» باستالعان بولاتىن.

بۇعان دەيىن ونى پرەزيدەنت قاسىم-جومارت توقاەۆ: «قاڭتار وقيعاسى كەزىندە ەلىمىزدىڭ قارۋلى كۇشتەرى وزىنە سەنىمسىزدىك پەن باستاماشىل باسشىلىقتىڭ جوقتىعىنان وزدەرىنە جۇكتەلگەن مىندەتتەردى ابىرويمەن اتقارا المادى»، - دەپ سىنعا العان.

بيىلعى جىلدىڭ قاڭتار ايىندا باس پروكۋرور بەرىك اسىلوۆ بەكتانوۆ: «زاڭسىز بۇيرىقتار بەرىپ، اسكەري ستراتەگيالىق نىسانداردى قاراۋسىز قالدىرعانىن جانە بيلىكتى اسىرا پايدالانعان»، - حابارلادى.

Abai.kz