قوعامنىڭ «AMANAT» پارتياسىنا دەگەن قىزىعۋشىلىعى الماتىدا اۋقىمدى كەزدەسۋگە ۇلاستى. ماسەلەن، «سارى-ارقا» كينوتەاترىنىڭ اۋماعىنداعى الاڭدا ساياسي رەفورمالاردى جانە «حالىقپەن بىرگە!» سايلاۋالدى باعداعدارلامانى قولداۋ ماقساتىندا پارتيانىڭ قالالىق فيليالى ۇيىمداستىرعان ميتينگ ءوتتى.

ءىس-شاراعا پارتيانىڭ بەس جۇزگە جۋىق جاقتاسى قاتىسىپ، قولداۋ ءبىلدىردى. ولاردىڭ اراسىندا «AMANAT» پارتياسىنان دەپۋتاتتىققا كانديداتتار، جاستار قاناتىنىڭ وكىلدەرى، بەلگىلى قوعام قايراتكەرلەرى مەن قالا تۇرعىندارى بولدى.

ميتينگكە قاتىسۋشىلار سايلاۋالدى باعدارلامانى قولداۋ ءۇشىن ترانسپارانتتارپەن كەلدى.

قالالىق شتابتىڭ باسشىسى ستانيسلاۆ كانكۋروۆ جينالعاندار الدىندا ءسوز سويلەپ، «AMANAT» پارتياسى مەملەكەت باسشىسىنىڭ ادىلەتتى قازاقستاندى قۇرۋ جولىنداعى باستى تىرەگى ەكەنىن اتاپ ءوتتى.

«AMANAT» – قالامىزداعى 100 مىڭعا جۋىق بەلسەندى الماتىلىقتاردى بىرىكتىرەتىن، باسقارۋ تاجىريبەسى بار بىردەن-ءبىر پارتيا. بۇگىندە سايلاۋ ناۋقانى اياسىندا 1000-عا جۋىق ءىس-شارا وتكىزدىك. ءار كەزدەسۋدە الماتىلىقتاردىڭ وزەكتى سۇراقتارىنا جاۋاپ بەرەمىز، شەشىمىن تابۋدى قاجەت ەتەتىن ماسەلەلەرگە ءمان بەرەمىز»، – دەدى الماتى ق. ءماسليحاتىنا پارتيالىق ءتىزىم بويىنشا ۇسىنىلعان دەپۋتاتتىققا كانديدات ستانيسلاۆ كانكۋروۆ.

ءوز كەزەگىندە، «AMANAT» پارتياسى الماتى قالالىق فيليالىنىڭ توراعاسى مەيىرجان وتىنشيەۆ مەگاپوليستىڭ تۇيتكىلدى ماسەلەلەرى مەن پارتيانىڭ باستامالارى تۋرالى ايتىپ بەردى .

«ءبىز ساپالى ينفراقۇرىلىمنىڭ پايدا بولۋىنا اتسالىسىپ، الماتىلىقتاردىڭ جايلى ءومىر سۇرۋىنە جاعداي جاسايمىز. ول ءۇشىن جاڭا 4 مەترو ستانساسىن، 300 شاقىرىمنان استام جول سالامىز. سايلاۋالدى باعدارلاماعا سايكەس، الداعى بەس جىلدا 34 مەكتەپ، 33 بالاباقشا جانە 16 ەمحانا سالىنادى. سونداي-اق، 43 مىڭنان استام وتباسىن باسپانامەن قامتاماسىز ەتەمىز. ءبىز كاسىپكەرلىكتى دامىتۋ ءۇشىن شاعىن جانە ورتا بيزنەسكە جىل سايىن 40 ملرد تەڭگەدەن استام نەسيە ءبولۋدى قاراستىرامىز. بۇل ءوز كەزەگىندە، 276 مىڭنان استام جاڭا جۇمىس ورنىن اشۋعا مۇمكىندىك بەرەدى»، – دەدى ول.

بەلگىلى تەلەجۋرناليست، دەپۋتاتتىققا كانديدات سەرگەي پونومارەۆ پارتيانىڭ سايلاۋالدى باعدارلاماسىندا كورىنىس تاپقان ەكولوگيا ماسەلەسىنە توقتالدى.

«مەگاپوليستە اۋا لاستانىپ كەتتى. بۇل ماسەلەنىڭ تەز ارادا شەشىمىن تابۋ قاجەت. بۇدان ءبارى زارداپ شەگەدى. قاريالار دا، جاستار دا ۋلانادى. پارتيا 2026 جىلدىڭ سوڭىنا دەيىن جەو-2-ءنىڭ گازعا اۋىسۋىن قاداعالايدى. اۋانى تازا ۇستاۋعا باعىتتالعان باسقا شارالار دا بار. ءبىز زاڭسىز بولىنگەن 18 ميلليون گەكتار جەردى مەملەكەت مەنشىگىنە قايتارۋدى كوزدەيمىز. بۇل ورىندالمايتىن ۋادە ەمەس. سەبەبى ءبىزدىڭ پارتيامىزدىڭ كۇش-جىگەرىنىڭ ارقاسىندا وسى ۋاقىت ارالىعىندا 5 ميلليون گەكتار جەر مەملەكەتكە قايتارىلدى»، – دەدى ول.

اماناتتىقتار پارتيانىڭ سايلاۋالدى باعدارلاماسىنىڭ بارلىق باسىم باعىتتارىن اشىپ ايتتى. ياعني، پارتيا زاڭ پەن ءتارتىپتىڭ ۇستەمدىك ەتۋىنە، ءاربىر قازاقستاندىق وتباسىنىڭ ءال-اۋقاتىن ارتتىرۋعا، جاستار ءۇشىن جاڭا مۇمكىندىكتەرگە جول اشۋعا، ادال ەڭبەككە لايىقتى ەڭبەكاقى تولەنۋىنە، ازاماتتاردىڭ بارلىق ساناتى ءۇشىن تەڭ مۇمكىندىك جاسالۋىنا جانە وزگە دە يگى باستامالارعا مۇددەلى.

«AMANAT» دەگەنىڭىز – بىرلىك، دوستىق، وتباسى. بەلسەندى ايەلدەر مەن باستاماشىل ازاماتتاردى تاڭداڭىز!»، – دەدى كوپبالالى انا ديانا ەرلان.

بەلگىلى تەلەجۇرگىزۋشى، پارتيالىق ءتىزىم الماتى قالاسى ءماسليحاتىنا پارتيالىق ءتىزىم بويىنشا دەپۋتاتتىققا كانديدات ولگا سپيرينا مەملەكەتتىك ءتىلدى مەڭگەرۋدى ناسيحاتتاي وتىرىپ، ءداستۇر مەن ۇرپاق ساباقتاستىعىن ساقتاۋدىڭ ماڭىزدىلىعىن اتاپ ءوتتى.

سونداي-اق، ميتينگتە «AMANAT» پارتياسىنان دەپۋتاتتىققا كانديداتتار ايدوس سارىم جانە جاناربەك ءاشىمجانوۆ، پاراليمپياداشى سەرىك ەسماتوۆ، زۋلفيا بايساقوۆا جانە رۋسلان نۇرلىباەۆ، «اسسامبلەيا جاستارى» رەسپۋبليكالىق قوعامدىق بىرلەستىگىنىڭ مۇشەسى رۋستام قايرىەۆ جانە تاعى باسقالار ءسوز سويلەدى.

الماتى قالاسى ءماسليحاتى دەپۋتاتتارىنىڭ سايلاۋىندا پارتيالىق ءتىزىمدى ۇسىنعان «AMANAT» پارتياسى سايلاۋ قورىنىڭ قاراجاتىنان تولەندى.

Abai.kz