جۇما, 29 ناۋرىز 2024
1318 0 پىكىر 27 ناۋرىز, 2023 ساعات 13:39

بەلارۋستەگى يادرولىق قارۋ: بۇۇ ءۇنسىز قالماسىن!

ۋكراينا رەسەي پرەزيدەنتى ۆلاديمير ءپۋتيننىڭ بەلارۋستا يادرولىق قارۋ ورنالاستىرۋ جونىندەگى مالىمدەمەسىنە بايلانىستى بۇۇ-نىڭ قاۋىپسىزدىك كەڭەسىنىڭ وتىرىسىن وتكىزۋدى تالاپ ەتتى. بۇل تۋرالى ۋكراينانىڭ ءسىم مالىمدەمەسىندە ايتىلادى. 

ۋكراينا بيلىگى قاۋىپسىزدىك كەڭەسىنىڭ تۇراقتى مۇشەلەرى – فرانتسيا، ۇلىبريتانيا، اقش جانە قىتايدان شەشۋشى قادامدار كۇتەدى. رەسەي دە بۇل ۇيىمنىڭ تۇراقتى مۇشەسى ءارى ۆەتو قويۋعا قۇقىعى بار.

"رەسەيدىڭ بەلارۋس ايماعىندا يادرولىق قارۋ جايعاستىرۋ نيەتى جونىندەگى سوڭعى مالىمدەمەسى – قىلمىستىق پۋتيندىك رەجيمنىڭ كەزەكتى بوپسالاۋ قادامى. بۇل يادرولىق قارۋدى ورنالاستىرۋ جونىندە كەلىسىمدى، يادرولىق قارۋسىزداندىرۋ ارحيتەكتۋراسىن جانە حالىقارالىق قاۋىپسىزدىك جۇيەسىن بۇزادى", - دەپ ايتىلعان ۋكراين ءسىم مالىمدەمەسىندە.

ۋكراينا بەلارۋس قوعامىن "قىلمىستىق نيەتتى جۇزەگە اسىرۋعا جول بەرمەۋگە" شاقىردى.

25 ناۋرىزدا "روسسيا-24" كانالى رەسەي پرەزيدەنتى ۆلاديمير ءپۋتيننىڭ سۇقباتىن كورسەتتى. پۋتين ماسكەۋ بەلارۋسقا يادرولىق قارۋىن جايعاستىراتىنىن ايتتى. ونىڭ سوزىنشە، 1 شىلدەدە بەلارۋستا تاكتيكالىق يادرولىق قارۋدى ساقتايتىن قويمانىڭ قۇرىلىسى اياقتالادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3618