بەيسەنبى, 28 ناۋرىز 2024
بۇ نە مازاق؟ 3627 8 پىكىر 31 ناۋرىز, 2023 ساعات 11:49

پەتروپاۆل سەپاراتيستەرى جازاسىز قالماسىن!

پەتروپاۆلدا ءبىر توپ ادام وزدەرىنىڭ قازاقستاننان «تاۋەلسىز حالىق كەڭەسىن» قۇرعانىن ايتىپ الەۋمەتتىك جەلىگە جاريالادى.

ۆيدەو قوعامدا رەزونانس تۋعىزىپ، حالىقتىڭ قىزۋ تالقىسىنا ءتۇسىپ جاتىر.

«ءبىز، ەرلەر مەن ايەلدەر، ەڭبەكشى، ازات ءارى ەركىن حالىق، سولتۇستىك قازاقستان وبلىسى پەتروپاۆل قالاسىنىڭ ەڭبەككەرلەرى، ءوزىن-ءوزى باسقارۋىمىز بەن اۆتوكراتيامىزدى، تاۋەلسىزدىگىمىز بەن ەگەمەندىگىمىزدى كورسەتە وتىرىپ، جالپىعا ورتاق، بولىنبەيتىن حالىق يگىلىگىن ساقتاۋدىڭ مىندەتتىلىگىن، ءوز جەرىمىزدەگى ازاماتتىق، مۇلىكتىك قۇقىقتاردىڭ وزگەرمەيتىندىگىن، ەگەمەن قازاق كسر-ءنىڭ مىزعىماس، اۋماقتىق تۇتاستىعى تۋرالى جاريا ەتەمىز جانە حالىق كەڭەسىن جانداندىرامىز، - دەيدى ۆيدەوداعى ادام.

بيىلعى 19 ناۋرىز كۇنى 19 ادام جينالىپ كەزدەسۋ وتكىزگەن. ولار ءوز حاتشىلارى مەن توراعاسىن سايلاپ، «دەكلاراتسياسىن»، «جارعى جوباسىن»، حالىقتىق كەڭەستىڭ «سيمۆوليكاسىن» قابىلداپ، ءمور مەن قاتىسۋشى كۋالىگىنىڭ جوباسىن جاساعان.

ەل ىشىنە ىرىتكى سالىپ وتىرعان بۇل توپ كەلمەسكە كەتكەن كەڭەس ۇكىمەتىن اڭساعانداردىڭ سارقىنشاقتارى بولسا كەرەك، وزدەرىنىڭ  ەگەمەندىك تۋرالى قۇجاتسىماقتارىندا كسرو ريتوريكاسىن تولىعىمەن قايتالايدى. ولار اتالعان «دەكلاراتسياسىندا» ءبىلىم بەرۋ جۇيەسىنە، ازىق-تۇلىك، مەديتسينا جانە ۆاكتسيناتسيا جۇيەسىنە قارسى شىققان.

«كەڭەستىك ءبىلىم بەرۋدىڭ تابىستى جۇيەسىن شەتەلدىك ستاندارتتارعا سۇيەنگەن دەسترۋكتيۆتى وقۋلىقتار الماستىردى، ال جوعارى، تەحنيكالىق جانە كاسىپتىك ءبىلىم قارجىلىق پايدا تابۋدىڭ قۇرالىنا اينالدى. ازىق-تۇلىك كەڭەستىك مەملەكەتتىك ستاندارتقا سايكەس كەلمەيدى، دۇڭگىرشەكتەر حالىقتىڭ ءومىرى مەن دەنساۋلىعىنا قاۋىپ توندىرەتىن تاۋارلارعا تولى. ءبىر كەزدەرى تەگىن مەديتسينا بالالار مەن ەرەسەكتەردى ەمدەۋگە قارجى جينايتىن بيزنەس سالاسىنا اينالدى»، - دەپ جاريالادى.

سونداي-اق، جينالعاندار قازاقستاندى زاڭسىز جاريالانعان مەملەكەت دەپ سانايدى.

بۇل جايتقا قۇقىق قورعاۋ ورگاندارى دەرەۋ جاۋاپ قايتاردى. قازىر «حالىق كەڭەسى» دەپ اتالاتىن توپتىڭ ۇستىنەن قىلمىستىق ءىس قوزعالدى.

«بۇل اقپارات سولتۇستىك قازاقستان وبلىسىنىڭ پوليتسيا دەپارتامەنتىندە (پد) تىركەلگەن، تەرگەۋ-جەدەل ءىس-شارالار جۇرگىزىلۋدە»، — دەپ حابارلادى سقو پوليتسياسى.

Abai.kz

8 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1561
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2251
عيبىرات

قايسار رۋحتى عازيز جان

مۇحتار قۇل-مۇحاممەد 3504