ءپۋتيننىڭ فەدارالدىق قاۋىپسىز قىزمەتىنىڭ بۇرىنعى كاپيتانى گلەب كاراكۋلوۆ شەتەلدىك باسىلىمداردىڭ بىرىنە استاناعا ءىس-ساپارمەن كەلىپ، رەسەيدەن قالاي قاشىپ قۇتىلعانىن باياندادى.

پۋتين قازان ايىندا استانادا وتكەن ءۇش ءىس-شاراعا، اتاپ ايتار بولساق، ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ VI سامميتىنە، تمد مەملەكەتتەر باسشىلارى كەڭەسىنىڭ وتىرىسىنا، «ورتالىق ازيا – رەسەي» سامميتىنە قاتىستى.

ال گلەب استاناعا بارۋ ءۇشىن الدىن الا جازىلىپ، قازاننىڭ التىسى كۇنى استاناعا كەلگەن. كەيىنىرەك ايەلى مەن قىزى دا گلەبتىڭ سوڭىنان جەتكەن. كەيىپكەرىمىزدىڭ ءوزى قاشۋ ۋاقىتىن الدىن الا ناقتى جوسپارلاماعانىن، تەك ورايلى ءساتتى قالت جىبەرمەگەنىن ايتتى.

«ەشتەڭە ىستەپ ۇلگەرگەنىمىز جوق، – دەيدى ول، – مال-مۇلكىمىزدى ساتۋعا دا مۇمكىن بولمادى. ءبارى اياق استىنان بولدى. قازان ايىنىڭ ون ءتورتى كۇنى ۇشپاساق كەشىگەتىن ەدىك، سەبەبى سول ايدىڭ ون بەسىندە فقك وفيتسەرلەرى ماسكەۋگە ۇشىپ كەتەدى».

كاراكۋلوۆتىڭ ايتۋىنشا، ولاردا قىزمەتتىك حالىقارالىق تولقۇجات بار ەكەن، بىراق قۇجات قولدارىنا تيە بەرمەيتىن كورىنەدى. استانادا جۇمىس ورنىندا جۇرگەندە جەكە باسىن راستاۋ ءۇشىن تولقۇجاتتارىن بەرگەن. ءسويتىپ، سوڭعى ساتكە دەيىن قايتا تاپسىرۋ كەرەك ەكەنىن ەستىمەگەنسىپ قۇجاتىن كەرى وتكىزبەگەن. سونداي-اق، ول ارىپتەستەرى ىزدەپ قالماس ءۇشىن، جۇمىستان كەيىن ۇيىنە كادەسىي ساتىپ الۋعا باراتىنىن ەسكەرتكەن. ال حابارلاسقان كىسىلەرگە «ءىشىم اۋىرىپ تۇر» دەپ جاۋاپ قاتقان. بۇل مەزەتتە گلەب ايەلى مەن قىزىن الىپ اۋەجايعا بارا جاتقان ەدى. اقىرى ەشقانداي كەدەرگىسىز ستامبۋلعا ۇشتى دا كەتتى.

گ.كاراكۋلوۆ سۇحباتىندا بۇل باسقىنشىلىقتى فقك قىزمەتكەرلەرىنىڭ ءبارى قولدايتىنىن، پۋتين ءتىپتى، ءوز كولەڭكەسىنەن دە قورقاتىنىن جانە دەنساۋلىعىنا اسا ساق قارايتىنىن، ءپۋتيننىڭ بۋنكەرلەرى بار-جوعىن بىلمەيتىنىن، بىراق، قازاقستانداعى رەسەي ەلشىلىگىندەگى بۋنكەرگە بايلانىس ورناتقانىن ايتتى. سونداي-اق، رەسەيدىڭ فقك قىزمەتكەرلەرىنە قايرىلدى. وندا ول ارىپتەستەرىن وسىناۋ سوعىسقا قارسى باس كوتەرۋگە، پۋتينگە قاتىستى قولدا بار اقپاراتتاردى جاريالاۋعا شاقىردى.

گلەب كاراكۋلوۆ – 12.11.1987 جىلى داعىستان رەسپۋبليكاسىندا دۇنيەگە كەلگەن. فەدەرالدىق قاۋىپسىزدىك قىزمەتىنىڭ (فسو) كاپيتانى. 2022 جىلدىڭ قازان ايىنىڭ ورتاسىنا دەيىن ول پرەزيدەنتتىك بايلانىس ءبولىمىنىڭ ينجەنەرى بولىپ، ۆلاديمير پۋتينمەن بىرگە جۇمىس ىستەدى. ول رەسەي پرەزيدەنتىنە قۇپيا حابارلامالار بەرۋمەن اينالىسقان. 2022 جىلدىڭ قازان ايىندا ستامبۋلعا قاشىپ كەتكەن.

قازىر رەسەي قاراقۇلوۆتىڭ ۇستىنەن قاشقىندىققا بايلانىستى قىلمىستىق ءىس قوزعاپ، ىزدەۋ جاريالانعان.

Abai.kz