جەكسەنبى, 14 شىلدە 2024
بۇ نە مازاق؟ 3949 14 پىكىر 14 ءساۋىر, 2023 ساعات 16:22

سۆويكتىڭ اۋزىنا ساتقاليەۆتەر ءسوز سالىپ بەرىپ وتىر!

قازاقستاندىق ەكونوميست، ساياساتتانۋشى پەتر سۆويك «AIRAN» YouTube ارناسىنا بەرگەن سۇحباتىندا قازاقتار مەن قازاقستاندى «ورىس الەمىنىڭ ءبىر بولشەگى» دەپ اتادى.

«تاريحي جانە گەوگرافيالىق تۇرعىدان الىپ قاراعاندا، سولاي. ارينە، كەزىندە ءبارى جاقسى بولدى دەي المايمىن. بىراق، قازاقستان مەن قازاقتار – «ورىس الەمىنىڭ» ءبىر بولىگى، – دەدى ول.

ساياساتتانۋشى ءبىلىمدى قازاقتاردىڭ بارلىعى اۆتوماتتى تۇردە قازاقي ورتادا ورىسشا سويلەيتىنىن اتاپ ءوتتى.

«قازاقستاننان وزگە ۇلت وكىلدەرى جوق بولىپ كەتسە دە، قازاقتار ءورىستىلدى بولىپ قالا بەرەدى. ءتىل بار جەردە كوزقاراس تا، ءبىلىم دە، ينفورماتيكا دا، تاعى باسقالارى دا بار. ورىس الەمى بولعان، بار جانە بولا دا بەرەدى»، - دەدى پەتر سۆويك.

رەسەيدە، بۇرىنعى لەنينگراد وبلىسىنىڭ زەلەنوگورسك قالاسىندا تۋعان سۆويك قازىر 75 جاستا. پەتر سۆويكتىڭ وسىعان دەيىن دە داۋلى مالىمدەمەلەر جاساپ، ەلدى شۋلاتقان كەزى از ەمەس. مىسالى، ول بۇعان دەيىن: «قازاقستاننىڭ مەملەكەتتىك ءتىلى – ورىس ءتىلى»، - دەپ سويلەگەن.

ەڭ وكىنىشتىسى، شەتتەن كەلگەن شۇرەگەي دەگەن پەتر سۆويك بۇل سوزدەردى اسپاننان الىپ وتىرعان جوق. اقوردانىڭ اينالاسىنان باستاپ ەسەپ ەتسەك، ۇكىمەت پەن پارلامەنتتە مەملەكەتتىك ءتىلدى بىلمەيتىن، بىلگىسى دە كەلمەيتىن اق جاعالىلار ء(ىرىلى-ۇساقتى شەنەۋنىكتەر، دەپۋتاتتار، مينيسترلەر مەن ۆيتسە-مينيسترلەر، مەمقىزمەتكەرلەر) جەتىپ جاتىر. سولاردىڭ ءبىرى، كۇنى كەشە عانا جاڭاوزەن مۇنايشىلارى ەڭبەك داۋىمەن بارىپ، ەسىگىن قاققان قر ەنەرگەتيكا ءمينيسترى الماسادام ساتقاليەۆ. باق وكىلدەرىنىڭ ساۋالدارىنا مەملەكەتتىك (قازاق تىلىندە) جاۋاپ بەرە الماي، مۇدىرگەن مينيستر: «ماعان 6 اي ۋاقىت بەرىڭىزدەر. قازاقشاعا سۋداي بولامىن»، - دەپ جالىعان.

بيلىكتىڭ بيىك دالىزدەرىندە جوعارى مەملەكەتتىك قىزمەتتەردى اتقارىپ جۇرگەن ازاماتتاردىڭ مەملەكەتتىك ءتىلدى بىلۋگە ەش ارەكەتتەنبەۋى – پەتر سۆويك سەكىلدىلەردىڭ اۋزىنا ءسوز سالىپ، جەلپىندىرىپ وتىرعانى شىندىق.

Abai.kz

14 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1183
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 1845
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 1895