ەلىمىزدە ينتەرنەت-الاياقتىق قىلمىستارى جيىلەدى. بيىل ءۇش ايدىڭ قورىتىندىسى بويىنشا بۇل باعىتتا 10 مىڭنان استام قۇقىق بۇزۋشىلىق تىركەلدى. ول – وتكەن جىلدىڭ سايكەس كەزەڭىمەن سالىستىرعاندا 1,8%-عا كوپ، دەپ حابارلايدى ranking.kz پورتالى.

جالپى، الاياقتىق قىلمىستارىنىڭ جارتىسىنا جۋىعى ينتەرنەتتە جاسالعان. اتاپ ايتقاندا، 4,7 مىڭ قىلمىستىق قۇقىق بۇزۋشىلىق تىركەلدى. وتكەن جىلعا قاراعاندا بۇل – 4,2%-عا كوپ. 2022 جىلدىڭ قورىتىندىسىنا سايكەس، «الاياقتىق» بابى بويىنشا 43,5 مىڭ قىلمىس تىركەلدى. ونىڭ ىشىندە 20,6 مىڭى – ينتەرنەت-الاياقتىق.

ءاربىر 5 الاياقتىق قىلمىستىڭ ەكەۋى ەلىمىزدەگى قوس مەگاپوليستە جاسالعان – الماتى ء(ى توقساندا 1 949 وقيعا تىركەلگەن) جانە استانادا ء(ى توقساندا 1 903 وقيعا تىركەلگەن). سونداي-اق، بۇل باعىتتاعى قۇقىق بۇزۋشىلىقتار ءورشىپ تۇرعان وڭىرلەر قاتارىندا قاراعاندى وبلىسى (692 وقيعا), شىمكەنت قالاسى (640 وقيعا) جانە الماتى وبلىسى (517 وقيعا) بار.

جۇرگىزىلگەن زەرتتەۋ قورىتىندىسىنا سايكەس، رەسپوندەنتتەردىڭ 55,8%-ى الاياقتار قۋىلىعىن اسىرماق بولعانىن ايتقان. ونىڭ ىشىندە 34,2%-ى تەلەفون الاياقتارى بولسا، 32,7%-ى ينتەرنەت ارقىلى جاسالعان.

وسىلايشا، بيىل ءى توقسانىندا «الاياقتىق» بابى بويىنشا تىركەلگەن قىلمىستاردان كەلگەن زالال 79,6 ملرد تەڭگە بولدى. بۇل – وتكەن جىلمەن سالىستىرعاندا 6 ەسە كوپ. جالپى، بىلتىر جىل باسىنان سوڭىنا دەيىن كەلتىرىلگەن شىعىن سوماسى – 110,8 ملرد تەڭگە.

سونىمەن، الاياقتاردىڭ قۋلىعىنا الدانعان قاراپايىم تۇرعىنداردىڭ زالالى – 30,4 ملرد تەڭگە. ال، كەلتىرىلگەن شىعىننىڭ 48,8 ملرد تەڭگەسى – مەملەكەتكە، 515,7 ملن تەڭگەسى – بيزنەسكە تيەسىلى.

Abai.kz