جەكسەنبى, 10 جەلتوقسان 2023
ساياسات 8925 4 پىكىر 20 مامىر, 2023 ساعات 17:02

«ۇلكەن جەتىلىك» & رەسەي: قىتاي كىمگە «قوي!» دەيدى؟

جاپونيانىڭ حيروسيما قالاسىندا «ۇلكەن جەتىلىك» ەلدەرىنىڭ ءسامميتتى ءوتىپ جاتىر. سامميت بارىسىندا جەتى مەملەكەتتىڭ باسشىسى بىرلەسە قىتايعا قايرىلدى.

ولار بىرلەسكەن مالىمدەمەدە قىتايدى باسقىنشىلىقتى توقتاتىپ، ۋكراينا جەرىنەن اسكەرىن تۇتاستاي جانە شۇعىل شىعارۋى ءۇشىن رەسەيگە قىسىم كورسەتۋگە شاقىردى. سونداي-اق، قىتاي حالىق رەسپۋبليكاسىنىڭ «اۋماقتىق تۇتاستىققا، بۇۇ جارعىسىنىڭ پرينتسيپتەرى مەن ماقساتتارىنا نەگىزدەلگەن جان-جاقتى، ءادىل جانە ۇزاق بەيبىتشىلىكتى» قولداۋعا جانە كيەۆپەن تىكەلەي ديالوگ ورناتۋى كەرەك ەكەنىن اتاپ ءوتتى.

سونىمەن قاتار، بۇگىن رەسەيدىڭ بۇقارالىق اقپارات قۇرالدارى قحر-نىڭ باس كەدەن باسقارماسىنىڭ مالىمەتىن جارىسا جاريالادى. ولاردىڭ دەرەگىنشە، 2023 جىلدىڭ العاشقى ءتورت ايىندا رەسەي مۇنايىنىڭ قىتايعا يمپورتى 26,5%-عا وسكەن جانە وسى ارالىقتا بارلىعى 32,4 ملن توننا مۇناي مەن جانارماي جەتكىزىلىپتى.

قىتاي ءوزى ەڭ كوپ جانارماي الىپ وتىرعان ەلگە «سەنىكى دۇرىس ەمەس!» دەي الا ما؟ الدە قوجاناسىر اڭىزىنداعىداي «بايبىشە، سەنىكى دە دۇرىس!» دەي مە؟

 

Abai.kz

 

4 پىكىر