NBC تەلەارناسىنىڭ حابارلاۋىنشا، اقش پەن ونىڭ وداقتاستارى ۋكرايناعا F-16 ۇشاقتارىن جەتكىزۋ تۋرالى شەشىم قابىلدادى. تەلەارنا بۇل تۋرالى بايدەن اكىمشىلىگىنىڭ جوعارى لاۋازىمدى قىزمەتكەرى مالىمدەگەنىن ايتتى.

اقش پەن ونىڭ وداقتاستارى F-16 ۇشاعىن ۋكرايناعا قاشان جىبەرەتىنىن ءالى شەشكەن جوق. الايدا ۇشاقتار ۋكراينانىڭ الداعى قارسى شابۋىلىندا پايدالانىلمايدى. الداعى ايلاردا اقش پەن باتىس F-16 ۇشاعىن قاشان جانە قالاي جەتكىزەتىنىن تالداپ-تارازىلايدى.

بۇعان دەيىن ۋكراينا بيلىگى باتىستان F-16 ۇشاعىن جەتكىزۋدى بىرنەشە رەت سۇراعانىمەن، ولار بۇل وتىنىشتەن باس تارتىپ كەلگەن.

بۇگىن امەريكانىڭ «Politico» باق-ۇيىمى ۋكرايندىق ۇشقىشتاردى F-16 ۇشاعىمەن ۇشۋعا ۇيرەتۋ الداعى اپتالاردا باستالۋى مۇمكىن ەكەنىن ايتتى. جاتتىعۋ ەۋروپادا وتەدى جانە بىرنەشە ايعا سوزىلادى دەگەن بولجام بار. سونداي-اق، باسىلىم كيەۆتىڭ 50-گە تارتا F-16 ۇشاعىن العىسى كەلەتىنىن، ال ۆلاديمير زەلەنسكيدىڭ جاپونياداعى G7 جانە ليتۆاداعى ناتو سامميتتەرىندە جويعىش ۇشاقتاردى جەتكىزۋ تاقىرىبىن باستى ورىنعا قويۋعا تىرىساتىنىن حابارلادى.

Abai.kz